RSS訂閱老四昨晚問我有沒有聽過陳奕迅的新歌「七百年後」，
之後就播給我聽，我就一邊看著歌詞一邊聽。
然後問我︰你估到嗎？
我︰估？估甚麼？估這首歌其實在說甚麼？
見他點頭回應，我再細心看了一次歌詞，
你都試下看歌詞，猜一猜填詞人的心。
******************************************
七百年後
曲：柳重言
詞：林若寧
編: 柳重言
監: 柳重言/Davy Chan/CY/陳奕迅
你那太空艙
能夠發出金色的光
我廢置一方
抬頭便會為你守望
一天天催迫生活在現代化
繽紛星空拋低我寄存繁榮垃圾崗
多得你原諒我骯髒
送你破黑膠
廉價發出歌聲依稀
送你破燈泡
便宜地照亮你天地
一箱卡式帶一直沒落仍能回味
那套舊文藝戲
生生不息的悽美愛情逾越物質跨過世紀
文明能壓碎
情懷不衰
無論枯乾山水
舊時年月投入垃圾裡
你我一起同居
仍然能送你
兒時玩具
老地方抱著一起安睡
七百年
潮流裡
瞬息過去
棄置那棵花
容我帶它的根歸家
送你這棵花
來懷念已逝去初夏
漆黑的星體花葉樹木無從留下
你會在流淚嗎
花開的沙丘滋養我們貧窮地方優美似畫
文明能壓碎
情懷不衰
無論枯乾山水
舊時年月投入垃圾裡
你我一起同居
仍然能送你
兒時玩具
老地方抱著一起安睡
七百年
潮流裡
建築統統破碎
天天進化熱潮已記不起
用霓虹去建設歡喜
雖則你我被每粒星唾棄
我們貧乏卻去到金禧
文明能壓碎
情懷不衰
無論枯乾山水
舊時年月投入垃圾裡
你我一起同居
仍然能送你
兒時玩具
老地方抱著一起安睡
七百年
隨年歲
記憶老去
仍然有你的忠心愛侶
************************************
看到歌詞的一半，我已衝口說出了正確答案。
很喜歡這首歌，林若寧的詞一首比一首正了！
很正，好像電影主題曲似的！
最後補多一句，未睇wall-E的記住要看，這是必看推介！
2009-03-31
<七百年後> - 陳奕迅
2009-01-04
勁歌金曲'08
左邊有一堆這個網誌自己定下的分類，
有幾個一直都停留在個位的文章數，
其中「音樂小評」有成年半沒有寫過了。
今晚在電視看了TVB的十大勁歌頒獎，就寫一寫罷。
其實每年在這個小小的香港樂壇，也會有近百首新歌，
當中有幾多首可以真正紅過HIT過？又有幾多首可以使人留下印象？
大概三成都沒有，即使是所謂的「十大金曲」又是否全都能記住？
就看看十年前的那十首，一九九八年的十大︰
你是我的女人 - 劉德華
越吻越傷心 - 蘇永康
天下無雙 - 陳奕迅
情誡 - 王菲
不想這是場戲 - 張學友
愛你 - 許志安
一變傾城 - 郭富城
祝你快樂 - 鄭秀文
我這樣愛你 - 黎明
有你一天 - 古巨基
唔好意思，恕我有輕度失憶症，十首入面我單看歌名的話，
我只記得頭三首是怎樣唱的……
當然可能聽到音樂或者看到歌詞會認得其他幾首罷……
okok,我剛剛在TVB的網到聽了後面七首，每首一小段，
都有印象的，有幾首都記得副歌的，但有三首真的可列入忘記了之列！
不知大家又記得幾多首……再者，事隔十年，這十首中，哪首才是98年的金曲金獎呢？
我想，我會選蘇永康的越吻越傷心。
大家知否當年是哪一首得金曲金獎呢？……
算罷啦，我唔係剛剛聽過，都唔記得那首歌了！
拉到好遠，不過拉回來今年的頒獎禮前，再拉遠少少。
不多說，只想把當年其中一個獎的得獎名單貼出來︰
最受歡迎新人獎
金獎得主: 葉佩雯
銀獎得主: 何嘉莉
銅獎得主: 吳佩慈
(哈哈！………)
說回今年，基於上面一大堆題外話，
決定隻字不提今年有哪十首金曲，有哪些新人，
只說說最「大」的六個獎。
最受歡迎組合︰
查一查才知道，原來這個獎是2001年才開始增設，
因為2001年突然走出了一對女孩子組合TWINS，其人氣簡直一時無兩！
好明顯這個獎是為她們而設，而且這個獎亦由始至終(去年)都是她們的。
不過去年年頭那批照片，令她們今年變相棄權，
才變成這兩年人氣旺盛的農夫成為了這個獎項有史以來第二個得獎單位！
主觀來說，見到農夫拿這個獎就開心過見到那對假孖女了……
最受歡迎亞太區香港男、女歌星︰
這兩個獎好明顯是神台奬，即係給一些歌手一個過冷河式的下台階。
之前連續好幾年的劉德華、陳慧琳過渡到拿不拿獎也沒所謂了，
今年就換了兩個去年的最受歡迎男女歌手上神台了。
陳奕迅，大概都知道今年已不是自己天下，所以整晚也沒有甚麼好面色看。
容祖兒，看似滿懷信心六連霸，但奪此獎時應該心知不妙了罷？！
最受歡迎男、女歌星︰
去年開始，好明顯樂壇開始出現老、中、青三個有力問鼎的階層。
老者，以四大天王、陳慧琳時期以上的都算了罷。
中者，男的有陳、古、許、李，女的有楊、容、何。
青者，張競軒、方大同、謝安琪、薛凱琪等等……
男歌手方面，四大天王今年連劉德華都不想拿獎似的，應該沒有人想爭的了，
而中間的四位之中，還有一位未曾得過這個獎，所以新進的年青人應該還要等等。
結果亦一如所料，是古巨基奪得。
看見他得獎的感動樣子，衷心的替他高興！
還好記得「娛樂新聞眼」時的中間分界古巨基，哈！
女歌手方面，近月的娛樂新聞都估計是容祖兒和謝安琪之爭。
但自從在報紙看到如果容祖兒真的完成六年霸就會超越梅艷芳的記錄後，
就已經有點覺得這個六年霸沒有可能完成的了。所以她今年得神台獎是合理的。
謝安琪，早幾年突然奉子承婚，滿以為會從此消失，
想不到做了媽媽後卻越來越紅，真是異數！
今年她的一曲「囍帖街」可算是紅片全港，
大概她亦以為有機會試試最受歡迎女歌手的滋味啦……
萬想不到，竟然是楊千嬅！
不過見到她拿這個獎，不討論合理與否，
亦不討論她去年有幾多新歌，「受歡迎」這回事很主觀的！
我就好開心見到是她得這個獎了！
正！相對於容小姐，我喜歡楊千嬅多好多好多！
金曲金獎︰
縱使謝安琪還未夠資格拿最受歡迎女歌星，
但今年這首「囍帖街」拿金曲金獎可算是實至名歸的！
很喜歡填詞的黃偉文講得獎感受時強調︰
「這首不是一首情歌，而是一首勵志的歌。」
大家留意一下歌詞，寫得真是很好的！
2007-07-25
白花油王子
昨晚看到一個電視訪問，
被訪者是顏福偉先生。
沒錯就是白花油王子-福仔！
我自己，知道有這個人存在，
大概都是因為近幾年他經常親身上陣，
為自己家族的公司做廣告中的主角。
現在還為廣告主題曲都自己填詞及主唱！
但，原來是小弟孤陋寡聞，
顏生早於86年在香港樂壇出道，
八十年代還曾自資出過六七隻大碟！
他於昨天的訪問中說︰「當時還年輕，
因為自己喜愛唱歌，出碟完全只為了個人興趣。
但近年再出來唱歌，卻不單單是興趣，
而更重要是想要有一個渠道，
把自己想表達的一些東西向大家說出來。
宣傳公司形像只是一小部份，
更重要是想把自己的一些人生的態度等等表達出來。
想不到當年只為唱歌而唱歌，成績強差人意，
現在不單為唱歌，卻帶來那麼多回响及認同。」
如是者，看完這個訪問，我完全對這個人改觀了。
本來，我就正如主持人崔生口中的大眾，
很多人都只以為顏生是一個富家子，
有錢，所以可以用錢來給自己唱歌做歌手出下鏡的機會。
講得衰小小，一向有點覺得他像一個小丑。
但原來不是的！
他現在是家族生意的CEO，
每日公事已非常繁忙，
但他還要安排一星期兩三次的出SHOW時間，
去些中學、大學活動做嘉賓，
各大小活動又抽空去表演唱下歌咁。
這些和歌唱或演藝有關的活動，他一文錢都不會收，
只要求主辦單位把報酬捐到慈善機構。
為免別人誤會，他會叫主辦單位自己去捐錢，
他看到捐款收據就肯出席表演的了！
如果去中學、大學等地方表演，
他還會用心地去預備講辭，
他想在一班年輕人面前說一些有意思的話，
每次都會說完演講才表演唱一兩首歌咁。
現在，他會看很多很多書，
為的只是充實自己演講的技巧，及豐富其內容。
這種已經肯定不是二世祖的為名為利啦，
而是他真的盡心盡力去為社會做點事情。
他自言，21年前，家族經過一輪爭產風波後，
他才從外國回來公司打理。其間並不是如外界所想般，
這們家族生意，好好的放著就識生金蛋了。
而是也經歷了很多風浪……
自少就給父親以「唔乖就唔分身家給你」作要脅下長大，
現在他有自己一套想法，他三十餘歲開始便立了遺囑，
90%以上的財富將會捐去廿多間的慈善機構。
可見一個人的成長環境的影響力有多大。
他說最近那首愛多八十年，是他很喜歡的，
亦覺得歌詞中表達了自己的想法，
上網找了這首歌的歌詞，有興趣可以看一看。
愛多八十年 顏福偉
每日穿上套裝 機器式工作
沉悶化妝 何解遮蓋你臉龐
昐做富豪主角 用來換你供車作樂
不過失眠亦 發作
請掛起晚裝 揮去金錶朿縛
其實更多 難得感覺 由你發落
就似拍拖 無需高檔堂皇
只憑簡單釋放 令無味罐頭 也變糖
來簡約地 愛多八十年
態度未曾改變
昨日新款在明日膚淺
為何尚要 眷戀爭先
嬴得仰望 奪去了感覺
快樂也是幻覺
情人為你選的花 你也未觀看
不要千呎家 不愛金光璀璨
寧願去揀 床舖簡潔 陳設雪白
就算世間 時興搶眼大話
堅持你的風格
別人在笑嗎 懶理他
來簡約地 愛多八十年
態度未曾改變
昨日新款在明日膚淺
平凡像我 也於身邊
嬴得仰望 奪去了感覺
快樂也是幻覺
情人為你選的花 你也未觀看
恆久 可以嗎
要敵過時刻轉變歲月吧
試問有誰綻放一生 像雪花
日日 想得獎 最後輸得鋪張
最簡單迴響 卻最響
來簡約地 愛多八十年
世事無常改變
昨日新款在明日膚淺
為何尚要 眷戀爭先
如果世事 未再有新意
八十歲後遇見
唯獨白色的鮮花 會繼續優雅
平凡但顯赫的花 變化亦不怕
2006-03-13
男子組@三字頭
這首是這隻碟最後一首想說一說的歌了
當中講踢波的幾句
真的非常傳神......
不過我還是二字頭罷.....
但是中學或大學的波友們....
都好似收山了似的......
莫非真的要等多十年八載
「個個都肚腩大」「三張幾通處派 佢大力射咗出界」
「仲廿歲仔咩 o徙氣
你係咪要想死 想死你都有排
車樓我點供晒 一身屁股的債
仲扮眼濕濕 扮晒o翕耷
但係我都冇錢 點借錢你還欠債」
這幾句..不用多講
有同感的自然會有共鳴....
冇同感的講多都冇用......
最後，好喜歡副歌的幾句
「老友咪嘆氣 我點幫你 baby
振振兩臂 拍拍背肌
打氣 baby 力要谷起
想當天可以孩子氣 未要孭飛
今天爭爭氣男子組靠你」
夾埋另外一段
「要買合金爸爸即買
細個話之當街小個解
童年時你 童年時我
聯羣結拜 成個世界我玩晒」
真的又變了老生常談......
小朋友的時候真的很幸福的......
煩惱多極都是讀書考試交功課罷...
但真的....「未要孭飛」.......
不過話說回來.....大概做小朋友的
人人都是身在福中不知福罷.....
很難想像下一次踢波會是何年何月.....
都係叠埋心水打下winning.....等下睇世界盃好了.......
**************************************************
男子組 Feat. 鄭中基/蘇永康/梁漢文/古巨基
歌手：林海峰 | 作曲：陳奐仁@theinvisibleman
填詞：林海峰 | 編曲：陳奐仁@theinvisibleman
一二三四 兄弟打氣
中環人收工除呔 黑皮鞋收埋
穿新出經典復刻 七零年波鞋
湊夠腳約吓老友 踢吓波冇壞
細個嘅老友到晒 個個都肚腩大
新波衫波砵皮球衝出球場拉柴
心情如小孩 仲扮活潑通山嗌
波友一黐埋 吹水懶灰諧
三張幾通處派 佢大力射咗出界
身邊靚女走晒 我額頭禿鬼晒
仲廿歲仔咩 o徙氣
你係咪要想死 想死你都有排
車樓我點供晒 一身屁股的債
仲扮眼濕濕 扮晒o翕耷
但係我都冇錢 點借錢你還欠債
＊老友咪嘆氣 我點幫你 baby
振振兩臂 拍拍背肌
打氣 baby 力要谷起
想當天可以孩子氣 未要孭飛
今天爭爭氣男子組靠你＊
死仔 嚟埋堆啦埋
死佬 玩得起玩埋
死仔包 爭乜鬼金牌
一齊 跑唔完都跑埋
小球場 一班耆英 跑全場死捱
筲箕灣施丹大坑碧咸狂打柴
踢兩嘢個個斷氣 個個煙癮大
老友記老過魯爾 對腳應砌去賣
呢班波 當打時期 攞小型球金牌
呢場全挽鞋 大啖白泡嘔得快
口水都乾埋 踩波車拗柴
乜筋都抽過晒 佢淨係打winning快
啤酒兩jar隊晒 身紀有得好快
係咪要修身 減肥
食藥再搣脂 姿整過小女孩
翻工我翻足晒 我份人工減晒
又未到炒得 未算死得 就算炒
最多早退休 暢遊世界
REPEAT＊
細個大家執波很快
個個大把瀟灑走上街
球場維記 行行企企
平台瞓覺 魚翅我食到飽晒
要買合金爸爸即買
細個話之當街小個解
童年時你 童年時我
聯羣結拜 成個世界我玩晒
老友咪放棄 放都o徙氣 baby
振振兩臂 拍拍背肌
打氣 baby 用腦谷起
一班啤酒肚在喘氣 大曬腹肌
波波交俾你男子組靠你
老友我撐你 我梗幫你 baby
振振兩臂 拍拍背肌
打氣 baby 射到飛起
今天點可以話之理 仲放飛機
爭番一口氣男子組靠你
2006-02-23
流行曲@三字頭
這首歌放係全碟的最後一首
原因大概係因為這首歌係唯一一首
同大碟主題「三字頭」冇關的.......
但是這首歌的旋律真係幾好聽的
有機會大家可以聽聽
歌詞方面...大家看看
真係好貼題...原全就係香港近年所謂「流行曲」
的最真切最具體的描述
近年其實香港的「流行曲」
絕大部份就是跟這條方程式出來的罷
再加去近年有八成的詞都係出係兩位仁兄之手
誰？當然係林夕及黃偉文
其實我們...或者係心我們更細的一代
基本上是食他們的文筆奶大的
您估係國文課的李白杜甫的詩詞多人識
還是這兩位當代詞人的詞多人曉背呢？
奈何這兩位仁兄都太有點市場主導...
總是只寫一些怪怪的愛情觀念....
這首歌真的可以令人反醒一下
流行曲真的只可以係這麼的一個樣嗎？
同理...真的只可以講愛情的才會受歡迎嗎？
怪哉怪哉....
**********************************
流行曲
填詞：林海峰
作曲：Eric Kwok/Jerald
編曲/監製：Eric Kwok/Jerald
清唱 一開口用喉嚨聲清唱
這樣 才會令你為我拍掌
扮偶像派係我理想
感動 段段歌詞要寫得感動
能夠 講鼓舞及明日理想
一淺白易明人就唱 wo
假音 唱到第二段0黎個假音
震音 震爆個尾音至夠壓場 wo
慘情 我愛你抵死冇好收場
煽情 必兩粒眼淚情緒高漲 wo
去到 chorus chorus要易記易唱 wo
記住要 重複 重複 我為K迷著想
仲要 repeat又repeat 這旋律先算最強
流行曲 要大眾 隨時隨地唱
點唱 手機響用和弦聲即唱
這樣 日與夜我會到處響
日播夜播就最理想 wo
和音 要大量和住咪我走音
懶音 好有風格人人會跟得上 wo
去到 chorus chorus要易記易唱 wo
記住要 重複 重複 我為K迷著想
仲要 repeat又repeat 這旋律先算最強
流行曲 要令到 全場大合唱
再上再上 呢段要越唱越搶
再上再上 呢段會越唱越娘
爭住唱 你記住要出我份糧 冇錢點唱
再上再上 0拿實塊面唱做樣
再上再上 一定會斷氣內傷
三連音 三連音 三連音
三連音 三連音 三連音 音
wo chorus chorus要易記易唱 wo
記住要 重複 重複 我為K迷著想
仲要 repeat又repeat 這旋律先算最強
流行曲 唱就唱 咪求其是但唱
我首流行曲 一定中 一定爆
爭住點唱 攞硬獎
2006-02-20
搞出野@三字頭
很多大學的舊同學不斷轉工
做一年半載就話悶想轉轉環境
有些就抱住唔轉工上位唔快的心態
或者就係轉下工有人工加之類
這些東西我就真的搞不懂了
但很多個都會講
儲多幾年錢睇下有咩搞先
更有些經常問我有冇野一齊搞
或許到三十幾歲的時候更會似這首歌的歌詞......
唔知點解
第一次聽這首歌就覺得o的歌詞好正.....
****************************************
搞出野
填詞：林海峰
作曲：Jerald
編曲/監製：Jerald
一早起身又唔願起身
返到公司又唔想做野
對住阿姐 唔想做0黎做去 都係0個0的野
成副機器 唔想日做夜做 啤啤啤
咁點呢 0下 咁點呢
越0黎越hair 唔想越0黎越pair
我係一條龍 唔係一條蛇
唔要等車 行快兩步去 搵0下自己要O既野
搵阿星爺 嘆杯熱茶咖啡 嗲嗲嗲
我0地要 搞0的野 yeah 搞0的野
喂 出0黎飲杯野啦喂 圍埋傾0的野啦喂
一齊度0的野啦喂 諗0下搞0的乜野啦喂
一世打工似乜野 一於要做番0的野
諗0的野 傾0的野 搞0的野 唔想hair
大人做野 夾手做壇大野
勇就好夠勇 唔夠水喉fair
唯有隊啤 人醉我又醉 嘔到大家猛作野
搵李嘉誠夾錢去月球發展 嗲嗲嗲
我問你 喂 你嗲乜野 0下 嗲乜野
喂 出0黎飲杯野啦喂 圍埋傾0的野啦喂
一齊度0的野啦喂 諗0下搞0的乜野啦喂
飲到個身體傾斜 班友掛住開心hair
諗乜野 傾乜野 搞乜野 hair hair hair
落翠華 上文華
相約舊同學 叫杯茶 吹水到家
大生意 咪猶豫
先集資 然後搞上市 講得夠誇
無聊騎呢旦散有乜用 就襯興奮去衝動
做個好夢發夢會成功
喂 炒埋公司個老細 圍埋一班獻獻計
搞壇大單野架勢 諗0下退休點嘆過世
呢舖實掂過碌庶 咁高興仲講乜野
飲杯野 飲jar野 飲打野 yeah yeah
喂 出0黎飲杯野啦喂 圍埋傾0的野啦喂
一齊度0的野啦喂 諗0下搞0的乜野啦喂
講過幾多幾多野 把口咁大吹乜野
一邊hair 終於會 搞出野
yeah yeah yeah
2006-02-18
三字頭@三字頭
不知由何時開始
很深刻的覺得自己正一步一步的
步向三字頭...一步一步.....越來越近
第一次聽這首歌
有點點共鳴....
或許....數年後
可能体會會更深......
由於在公司對著
幾個三字甚至四字頭的同事
更預視到三字頭究竟是甚麼一回事
應該說三字頭的男人是甚麼一回事.....
每人都會好最少一種玩具
有好模型超合金機械人者
有好高科技電子產品者
有好攝影相機錄像者
有好波衫波褲波鞋者
原因是....大概大家心裡有數罷....
歌詞中的「私竇」
在dvd中有得睇....
大概是各位男士夢寐以求的...
只看那個私人三人足球場....
就已經沒話好說了......
「日日winning winning0既老豆」
令我想像一個很有趣的片段.....
十年後，成班麻甩仔變晒麻甩老豆
大家美麗動人的太太們抱著活潑可愛的小寶貝
坐在一旁看著這班大肚腩開始脫髮的大細路
咦嘩鬼叫的在玩著winning eleven 19........
如果夢見這一幕，一定笑醒！
***********************************************
三字頭
填詞：林海峰
作曲：陳奐仁＠The Invisible Man
編曲/監製：陳奐仁＠The Invisible Man
我最憎要開會做小丑
最怕打領呔扮晒死狗
人人話我細路我都受
其實好老餅我怕乜醜
日日winning winning0既老豆
邊位湊湊我當佢天后
人人扮晒領袖 我話最忌出頭
其實我掛住0既係快樂足球
一班麻甩佬掃貨去反斗 行夠買夠玩夠
波波池高低跳跳到想嘔 成班顛狗
喂三字頭 大玩具同班細路爭打崩頭
喂三字頭 迪士樂園欣澳站專車等候
有野玩要玩野請舉手
我有一個私竇有裝修
模型電器要舊有幾舊
為靚煲隻碟我睇開頭
成日英超英超買兩舊
翻工我照撐落八點鐘後
平時扮0下細路 細路有大想頭
隨時又變老豆 老豆掛住推油
玩波鞋t-shirt鬥快趣爽手 人冇0既我都有
草蜢和daft punk跳舞兩邊走 成班反斗
喂三字頭 望住大雄星戰合金好享受
喂三字頭 越舊越懷三塊葉經典保留
喂三字頭 艾慕杜華聽軟硬天師解愁
喂三字頭 夢幻樂園俾我任玩新玩舊
喂三字頭 扮做大人兼細路擺左擺右
喂三字頭 日日在回憶八十貪新戀舊
喂三字頭 做大事唔玩你又點玩出頭
到左七字頭 玩具大王玩訓直死得風流
細路哥@三字頭
一句”what are you looking for”
有一種打入心的感覺
會考.....已過十年....
十年後...各位會是怎樣呢？
今天上班的路上
看見一個媽媽神秘地拿了一包糖果出來
那個細路哥立即開心得跳起來笑起來
看見為了一包糖果就能由心樂出來的小朋友
真的很懷念那個早已一去不復還的歲月
接著就想起這首歌........
細路哥 你得到什麼 你失去什麼
***************************************
細路哥
填詞：林海峰
作曲：陳奐仁＠The Invisible Man
編曲/監製：陳奐仁＠The Invisible Man
某一年一班剛剛考完會考0既同學約埋一齊唱K
流行曲唱到一半0既時候
其中一位朋友問0左隔離0個位一個問題
喂 你估0下二十年後0既今日我地會變成一個咩人呢
二十年後
可能已經變成一個西裝骨骨0既中環人
手帶勞力士 銀包有好多張信用卡
放工0既時候就一齊0向酒吧度
一邊望住個煙灰盅
一邊就望住隔離檯0個個女仔
睇0下佢條裙幾時會走光
二十年後
大概終於會買0左個部好想擁有既汽車
但係仲有二十幾期要供
二十年喇 應該轉過好多份工
識做0既野越0黎越多
但係同時發覺學識越0黎越少
0向0個個時間 間唔中可能會去0下gym
但係做0黎做去都係減唔到個肚腩
當然二十年0黎你間唔中都會諗起一段
一路都未能放低0既感情
女朋友越0黎越多 但係愛0既越0黎越少
細路哥 你得到什麼 你失去什麼
你知道 what are u looking for
大概0向0個個時候可能會有身邊0既親人離開
而0個個陣時你會有好多講唔出口0既遺憾
同時間你會發覺原來人生已經過0左一大半
同年終於結婚喇
用左半生0既積蓄俾左一層樓0既首期
有車位有泳池會所
娛樂越0黎越多但係快樂越0黎越少
兩年後 可能會離婚
回復單身之後0既一個晚上一個人0個向床上面
查住個搖控不停咁轉台 食0左兩粒安眠藥
跟住點起支薄荷煙
然後流0左一滴自親人離世之後0既眼淚
突然之間你又諗起 0向二十年前
你係一個咩人 係個一晚
一大班同學約埋出0黎唱K唱到天光
仲記得係個朝返到屋企0既時候
打開門0向檯面見到有一碗屋企人留低0既湯
碗湯已經凍0左喇
細路哥 你得到什麼 你失去什麼
你知道 what are u looking for
訂閱：
文章 (Atom)
