夢醒時份

需外出工作，
故特意提早從睡夢早醒來，
遂發現天氣進一步寒冷，
在這夢醒時份，
巴不得躲回被窩之中，
管他的甚麼工作繁瑣，
重回甜美的夢鄉，
再發其春秋大夢……
奈何現實無情，
只好收起這白日之夢，
收拾行裝獨自上路，
踏上征途……

野豬與豬種

前天(星期四)又去了嘉道理農場工作，
本來要整天做一些拍攝的工作，
耐何天意難測，午飯後就下起雨來，
只好無耐的只拍了半天就要鳴金收兵！

在早上的工作期間，經過一處地方，
有一個下陷的圍坑，下面放著好幾條大木頭，
負責和我們四處行的職員突然說道，
原來他們那兒的山頭有好多野豬，
還問我們看不看到……
初時大家都有點不明白甚麼「看不看到」
但從她的視線及表情，我們才突然發現，
原來其中兩大塊我們以為是木頭的東西，
赫然就是兩頭大野豬！
只不過牠們熟睡中，我們有高處向下看才不察覺。
該職員還告訴我們，原來那些野豬經想走下山來偷他們的農作物吃！
而這兩隻並不是被捕獲的小偷，
反之，原來是被其他職員發現在山邊受了傷的兩只可憐的野豬！
於是帶回來醫治及療傷.....還說，待牠們復元後還要送他們返上山呢......
簡直就係「放豬歸山」！
話時話，野豬的色真的好似樹木，大家去郊外要小心留意下！
野豬唔同那些避遺棄的牛羊，絕不好惹！

不久，又見到另一奇境！
在豬棚外，突然發現一隻龐然大物，
慢條斯理的在散步！
職員對牠的介紹好簡單「邊個都可以死，但佢就唔可以死」
牠四肢站地都足足有一米多高，由鼻至尾差不多有兩米，
最特別係大家幾乎看不見牠有四肢，因為牠的肚腩是近乎觸地！
基本上，牠們似一個個的長方體多過似一隻豬！
從來未見過一隻咁特別的豬！是我見過……
1) 最肥大的--粗略估計有六七百磅！
2) 最乾淨的--牠的毛是可以話近乎係白雪雪的！除了那些黑斑紋外！
3) 最長毛的--當然不及那些野豬，但好明顯離遠都見到佢好長毛！
4) 生活得最舒服的--牠每天有專人定時餵食，沖涼，甚至陪佢玩！
5) 最識聽人話的--佢竟然知道別人叫牠的名字，識得行過來應人的！
直頭係叫邊隻就邊隻行過來，叫佢唔好食泥就唔食！

原來牠們就是農場之寶，係農場的豬種！
看見牠們唯一可以感覺到的就是牠們不停告訴您，牠們生活得很寫意！

真係同豬唔同命，
有些可以天生有人照顧，衣食無憂，
另一些則天生天養，還可能要以偷食渡日……

豬亦然，人更為甚，
既改不了，唯積極面對之。

馬拉松的頭三公里

看完一中大好友的日記板，
非常同意他的說法，並有一番體會，
大家都是同期的年青人，
很想在這兒和大家分享一下，
希望阿桓少唔好介意我引用您的意思！^_^

阿桓係我熟的朋友中英文最好的一個男仔
所以他的原文都是英文來的，容我把它轉做中文，
及修改少少如下︰

這首歌送給所有工作得不愉快及
正在面對逆境或轉變而徬徨、失落的朋友們
(按︰他分享的歌是陳百強先生的「喝采」)
試想一想，假如我們不幸地沒有發達的機會，
大概我們還要一直工作到65歲左右。
這簡直就是一次長達四十年的超級馬拉松式鐵人耐力賽！
那麼縱使花一年、兩年，好…甚或五年了罷，
去好好找尋發掘一下究竟真正適合自己的工作及生活，
在這悠悠40載當中，可說是微不足道了罷。
儘管大家怎樣覺得自己老了也好，
說實在的，大家都很清楚，我們還有足夠的青春作為本錢，
去為我們的生活，理想及將來壓上這一注……
我們唯一最需要做的就是︰相信，相信我們自己的能力！

* * *
看了之後有好深的感受，
畢業之後轉眼間已去到第三個年頭，
遇到過的事真的在讀書時從未体驗過，
甚至想都未想過，現實原來真係好現實！

這年多兩年，毅然選了一條很特別的路，
一條充滿迷霧沙石滿途的路……
由開始至今，金錢絕對比行一條平常的路賺取到的少，
但我深信，正如我的好拍檔當天的一句話，
儘管要捱幾年，不及別人的收穫又穩定又多，
但我們只要一個機會，那些少得的一定可以取回來的！

從前，身邊的一個好友經常把一句說話掛在口邊
「我要幹一番大事」……
當時，真的只覺得是一種搖不可及的空話，
但到現在，我真的很想可以說服自己，
「我可以幹一番大事」……
同時，我都相信︰
「大家都一定可以幹一番大事」

互勉之！

後按︰
「喝采」的經典歌詞大家有興趣就自己找找啦，
反而想在這兒分享一首早幾天同是阿桓介紹的歌，
剛剛上網搜尋一下才知道原來是

老夫子卡通 的「畢業歌」︰

莘莘學子今日行過畢業禮
大個仔 咪再以為自己年輕仲細
好好打算未來 要做個好人
唔一定下下要充大頭鬼
使咩騰雞對住時下D局勢 實有計
只要你唔好剩系顧住頹廢
好好諗下未來想做個咩0野人
咩0野事真正值得你沉迷
唔好哩埋做只龜 你若看清楚世界會是更加美麗
今天你終於畢業啦喂 潛能才華望你盡發揮
不要妄想D錢跌落0黎
若你只識得扮0野吹水巴之閉
抱怨只會人頹廢
一切可能是靠努力去fight
不怕跌低 起身繼續0黎
若你想尋求捷徑只會週身蟻
信我一切從長計 莫要把青春亂0甘使

莫斯科馬戲團

因為有人未現場睇過馬戲表演，
所以便買了票去看看，
在沙田表演方便得很！

差不多三小時的節目，
都算叫做好看，
除了那兩個魔術表現太普通外....
普通到佢未表演您就知佢的秘密係邊.....

其他表演都係不錯的
狗仔踢足球的環節，那些小狗很可愛，跳到高高的去頂球！
縮骨奇人的表演就真係看到人毛管動....他的關節都不知怎麼搞的！
Yuki反而好喜歡睇間場出來跳舞的姐姐！！
當然，全場的重點節目一定係空中飛人啦，
係壓軸表演全場都睇得好緊張的

行街睇戲食飯得多，睇下這些另類娛樂都唔錯！

士多啤梨新地

好多年冇食過M記的士多啤梨新地
因為大家都知我一係唔食
一食就每次都會係要朱古力

昨天食了半杯士多啤梨新地
嘩！原來超級甜.....
甜到有點怕了那種味！

我決定最少三年內唔再食M記的士多啤梨新地！

聖鬥士星矢G

早幾日在網上無意中發有樣叫做
”聖鬥市星矢G”的東西

後來和 Tetris出去時又在街見到本書，
才從他口中得知原來係新漫畫
可以話係星矢的前傳，因為係講青年時期的黃金聖鬥士！
原來個故仔仍然係車田正美作，
但作畫就找來新一代的漫畫家，
所以畫風有點不同以往的星矢，
但好似都幾有睇頭.....

估唔到繼早排”魁！男塾”又一本經典舊作出新書！
但我都係未親眼見過本新男塾！.....

新武器 -- 悠閒類

這件武器已放在家中好幾個星期，
是老二從公司拿回來的，
原來在一間外資電器公司做有這個好處，
就是一些貨版用完後可以給員工據為己有！

今次輪到我老弟拿的，是一套杜比5.1聲道的擴音組合！
放了在家大半個月都未有時間搞，
今天老爸興之所至，於是和他聯手搞掂佢！
最後都係決定裝在他們房間，因為在房睇戲舒服些！

弄了半天，終於完工，
立即放隻「無間道」dvd落去試一試，
飛到去最多熗聲的一幕....
黃sir從天而降的一聲「砰」！嘩都真係幾震！

之後弟弟們逐一回來，我們又試下KARAOKE碟的效果！
放隻BEYOND落去，嘩，原全感受到個SUBWOOFER的力量，哈！
艾倫呀艾倫，您知那間房有幾大啦，現在有個好O的的音響，
真係似足一間小型K房，哈哈！今次唔驚您話個咪細聲，^_^！

晚飯後，爸提意做個首映會，
於是便入房睇我今天買回來的「無間道II」(我今朝一次過買了II&III)
II其實在戲院睇了，不過知爸媽及弟弟們未睇，所以都買了！
想不到媽媽竟可以整出睇完都冇睡著！
再睇一次，有一些比在戲院睇不同的感覺，可以睇得細緻很多！
尤其留意多了張耀揚的演出，正！

過兩天睇埋隻III先得，今次真係未睇過啦！

第時幾丁友無聊想去唱K就睇下我屋企方唔方便啦，
免房租免人頭費又冇NUTS 果盤.......
不過就唔該大家帶O的K的DVD上來我屋企冇乜....^_^
人少少，好過出去花錢啦，係咪！
尤其，艾云一定要開下金口啦！

牙痛慘過大病

今次唔係我牙痛，而係Yuki
又係智慧齒累事！
星期二、三開始痛，
星期五朝陪她去睇牙醫，
本來以為簡單行刑(脫牙)後就ok，
但牙醫哥哥話佢隻牙仔未出晒，
同埋現在痛唔係因為隻牙，
而係因為佢上面隻大牙同下面出來中的智慧齒咬住左o的牙肉！
所以一合埋口就勁痛！
最後幫她磨細了少少上面隻大牙，咁就可以合埋口了！

醫生話等隻牙出多些先脫...所以最後就咁走了。

可能因為之前而咬損左的關係，那兒開始發炎，
還影響到附近至喉嚨.......
到今日為至她都只能食粥....
見到咁樣真係心痛....不過又冇乜可以幫到佢，冇計....
現在她終於親身体會到當日我牙痛係幾痛苦！

希望可以快o的好返啦！一定會o既！

久違了的網球場

今晚少少地打了一個小時的網球，
都有個多月冇打了！
最凍的日子已過，唔知係咪可以打返密o的
不過大家都好似好忙.....
今天還欠mark少.....

下次您一定要出現呀！

一千大關

送出了剛才的文章後，
發現原來我這個小小的新聞台
的人氣指數剛剛去到1000大關！

轉眼間這兒都開張了一個多月了！
感謝各位的支持，
其實係這1000人次入面，
取了經常在留言板出現的五六個朋友外，
還有誰是這1000次中的其中幾次呢？

不論您是yesgo、dd、中大、cs、
劇社、沙循、小學、甚或任何一處的朋友們
請大家多多留言啦，
說兩句大家的近況都好，
太多太多好朋友都很久沒聯絡了！
真的很掛念您們每一位！