肚痛難耐

今早打算早些返公司幹活
去到火車站月台
剛走了一班車.....
只好等多五分鐘....

到終於見到火車遠遠駛來時
突然感到肚子有點痛.....
那種痛在短短火車駛入月台的幾十秒入面....
以幾何級數遞增.....

在火車停定，車門打開的一刻
決定不上車了.....
立即落回下層找洗手間去也......

好在今早沒有走了去坐巴士
如果唔係都不知怎麼辦

從沒試過這麼突發地肚痛
還要之後在火車上，差點坐不了幾個站
又想再下車找洗手間
最後回到公司立即又來一次......

一個很辛苦的、又驚險的、早出門口的早上.....
早知係咁，係屋企待多一會兒
等佢痛完去完才出門口好過了！

希望明早一覺睡醒就不會再肚痛啦

九鐵鬧劇

由大臣出信想推翻太守開始
到太守高調請辭
之後天子硬廷太守唔俾佢辭職
大臣們見事敗立即改以「對事唔對人」為大旗號

昨天更上演一幕高級巡撫
連同太守及大臣頭頭握手言和的真人騷
太守及大臣更聲言已溝通清楚
以後可以繼續合作無間........

但同時，天子則下令要整頓亂臣賊子.....
廿多個參與事件的臣子中
有一個還不知死活的在接受訪問
高呼覺得大家沒做錯，更愚昧地以為
「應向前看，不會及不應有人追究已過去的事情」

今早朝廷最新公告
帶頭出面寫信的大臣頭子已自動辭官...
大概他是想自己一個人頂住全部手下罷......

可惜朝廷還決定炒埋昨天不知死活的臣子...
大概是殺一儆百的用意罷...

一個群的政變事件到這刻應該告下段落罷....
不過都好難講....

恆心

上個月曾經想努力保持每兩三天怎都要寫點東西
但最後都是不夠一個月又出現兩個星期的停頓

真的不知為何每次一停就很大件事
停得一次就會一日一日地停下去......
怎樣可以練習到做事要有恆心呢？

或許真的要加把勁再迫下自己先得.....

這麼小事都做不來怎樣做大事呢！

男子組@三字頭

這首是這隻碟最後一首想說一說的歌了

當中講踢波的幾句
真的非常傳神......
不過我還是二字頭罷.....
但是中學或大學的波友們....
都好似收山了似的......
莫非真的要等多十年八載
「個個都肚腩大」「三張幾通處派　佢大力射咗出界」

「仲廿歲仔咩　o徙氣
你係咪要想死　想死你都有排
車樓我點供晒　一身屁股的債
仲扮眼濕濕　扮晒o翕耷
但係我都冇錢　點借錢你還欠債」
這幾句..不用多講
有同感的自然會有共鳴....
冇同感的講多都冇用......

最後，好喜歡副歌的幾句
「老友咪嘆氣　我點幫你　baby
　振振兩臂　拍拍背肌
　打氣　baby　力要谷起
　想當天可以孩子氣　未要孭飛
　今天爭爭氣男子組靠你」
夾埋另外一段
「要買合金爸爸即買
細個話之當街小個解
童年時你　童年時我
聯羣結拜　成個世界我玩晒」

真的又變了老生常談......
小朋友的時候真的很幸福的......
煩惱多極都是讀書考試交功課罷...
但真的....「未要孭飛」.......

不過話說回來.....大概做小朋友的
人人都是身在福中不知福罷.....

很難想像下一次踢波會是何年何月.....
都係叠埋心水打下winning.....等下睇世界盃好了.......

**************************************************
男子組 Feat. 鄭中基/蘇永康/梁漢文/古巨基
歌手：林海峰 | 作曲：陳奐仁@theinvisibleman
填詞：林海峰 | 編曲：陳奐仁@theinvisibleman


一二三四　兄弟打氣

中環人收工除呔　黑皮鞋收埋
穿新出經典復刻　七零年波鞋
湊夠腳約吓老友　踢吓波冇壞
細個嘅老友到晒　個個都肚腩大

新波衫波砵皮球衝出球場拉柴
心情如小孩　仲扮活潑通山嗌
波友一黐埋　吹水懶灰諧
三張幾通處派　佢大力射咗出界

身邊靚女走晒　我額頭禿鬼晒
仲廿歲仔咩　o徙氣
你係咪要想死　想死你都有排

車樓我點供晒　一身屁股的債
仲扮眼濕濕　扮晒o翕耷
但係我都冇錢　點借錢你還欠債

＊老友咪嘆氣　我點幫你　baby
　振振兩臂　拍拍背肌
　打氣　baby　力要谷起
　想當天可以孩子氣　未要孭飛
　今天爭爭氣男子組靠你＊

死仔　嚟埋堆啦埋
死佬　玩得起玩埋
死仔包　爭乜鬼金牌
一齊　跑唔完都跑埋

小球場　一班耆英　跑全場死捱
筲箕灣施丹大坑碧咸狂打柴
踢兩嘢個個斷氣　個個煙癮大
老友記老過魯爾　對腳應砌去賣

呢班波　當打時期　攞小型球金牌
呢場全挽鞋　大啖白泡嘔得快
口水都乾埋　踩波車拗柴
乜筋都抽過晒　佢淨係打winning快

啤酒兩jar隊晒　身紀有得好快
係咪要修身　減肥
食藥再搣脂　姿整過小女孩

翻工我翻足晒　我份人工減晒
又未到炒得　未算死得　就算炒
最多早退休　暢遊世界

REPEAT＊

細個大家執波很快
個個大把瀟灑走上街
球場維記　行行企企
平台瞓覺　魚翅我食到飽晒

要買合金爸爸即買
細個話之當街小個解
童年時你　童年時我
聯羣結拜　成個世界我玩晒

老友咪放棄　放都o徙氣　baby
振振兩臂　拍拍背肌
打氣　baby　用腦谷起
一班啤酒肚在喘氣　大曬腹肌
波波交俾你男子組靠你

老友我撐你　我梗幫你　baby
振振兩臂　拍拍背肌
打氣　baby　射到飛起
今天點可以話之理　仲放飛機
爭番一口氣男子組靠你

一拍兩散？

九鐵高層以黎生為首
寫信表明和主席田先生合作得不如意
雖則他們口口聲聲話是對事不對人
只是甚麼權責不清等問題.....
又說並不是怪責任何人，亦不是要任何人下台.....

但是好明顯有點作反的味兒
可能是官迫民反 (不過今次的官是田生一個)
亦可能是奸臣謀反...
做外人的好難理解他們內部的權力鬥爭

昨天黎生還要出來說一句
他是好尊重田生，亦都同田生溝通冇問題等等.....
(我個人就覺得他說得有點假.....)
今早田生亦忍不了回了一句精景的
「我對昨天黎生說的覺得好驚訝！」
真的可圈可點耐人尋味.....

不懂亦不想去分真與假、對與錯
只是覺得這件新聞應該寫一寫下來
我想....田生發夢都估不到
他們有此一著........

此一著無疑是將了田生一軍
田生亦已宣佈棄權不玩了
但是否代表黎生一方已勝出了呢？
真的嗎？....
可能他們將會輸得比田生更慘罷...

龍少的婚宴

2月28日是龍少的結婚大日子
在銅鑼灣某酒店頂樓的婚宴
沒有甚麼特別，亦是一般中式婚宴
只是想投訴一下服務我們那一桌的伙計.....
竟然有點給面色我們睇.....唉，好趕收工似的

龍少是我大學細迎新營的同組
(我們中大是分大細兩種迎新營的)
可以話是我大學生活中最早認識的人之一

阿嫂則是他的中學同學
我們一班大學同學之前都冇見過罷
拍了那麼多年拖
大家都看到他們幸福的片段

當中有一段我們全班朋友都好懷疑的
我們有理由相信阿龍少係抄早幾日perry的婚宴的一幕！
冇錯就係一大班人每人送一支花加一句恭賀說話！
龍少，抄得好似有點過份耶.......^0^

自言自語的人

剛剛坐火車轉地鐵返工時
一上地鐵
身旁的年青男子就不停地說話
初時不為意
以為他和身旁的男人談話中

但突然他一個箭步走到我身旁的門邊
對住門外黑黑的隧道繼續他的對話

我還有一絲希望他只是在用免提講電話中.......
但很易就看到他雙耳都是空空的
而且好明顯他是控制不了自己雙肩及雙手的肌肉
不停的雙肩跳動，雙掌則無意識地揮、轉動
在他另一邊的女人立即帶著怪異的目光看著他.....
然後急急的走了去另一卡.....

我完全沒有移動
繼續倚在門旁
或許有點見怪不怪了.......
而且不想做一些帶有色眼鏡的動作
他自己跟本不知自己做甚麼的罷.....

寫下這些不為甚麼
只想作一個記錄.....
現在才二月但印象中
今年已遇見第四個有這類病的人了

身体健康重要的同時
其實精神健康同樣要緊的.....
「香港人......放鬆o的啦....」

Perry的婚宴

這個月尾要去兩個大學同學的婚宴
不知由何時開始
腦中就記牢了是相差兩天
記得一個是月尾2月28日
就順理成章地以為另一個是2月26日

但25日7:45pm時
突然有人打來問︰「阿sam,您到了嗎？」
才嚇了一大跳
於是立即趕出去
好在地點是在尖東的香格里拉酒店
火車出到尖東站就到了

八時半左右去到
以現在香港的擺酒慣例
當然未開席啦.......

第一次在酒店飲宴
其實同酒家差不多
場景富麗堂皇些
食物都是大同小異啦....

但是總是有點不習慣那種
一上菜就立即分好一碟碟
又立即把整碟拿走的做法
一碟乳豬每碟分四五塊....
但好明顯不是個個都喜歡吃罷....
又見有人不吃魚的成碟魚未掂過就叫人收走了
總言之....感覺怪怪的....

說回正題
Perry 同老婆相識於大學時代
當初同perry不太熟
所以不知他們是怎認識的
但他們拍拖是人所共知的了

更令我難忘的是
Perry是由非基督徒開始
拍拖後慢慢由跟女友返教會
到最後成為一個基督徒的
友人間打趣的說法就是
他給女友踢了入會呢....^_^

轉眼間六七年的時間
他們步入新的一個階段
在此謹祝他們這一對
白頭到老永結同心

(連生貴子等語不敢隨便亂祝了.....=P)

流行曲@三字頭

這首歌放係全碟的最後一首
原因大概係因為這首歌係唯一一首
同大碟主題「三字頭」冇關的.......

但是這首歌的旋律真係幾好聽的
有機會大家可以聽聽

歌詞方面...大家看看
真係好貼題...原全就係香港近年所謂「流行曲」
的最真切最具體的描述

近年其實香港的「流行曲」
絕大部份就是跟這條方程式出來的罷
再加去近年有八成的詞都係出係兩位仁兄之手
誰？當然係林夕及黃偉文
其實我們...或者係心我們更細的一代
基本上是食他們的文筆奶大的

您估係國文課的李白杜甫的詩詞多人識
還是這兩位當代詞人的詞多人曉背呢？
奈何這兩位仁兄都太有點市場主導...
總是只寫一些怪怪的愛情觀念....

這首歌真的可以令人反醒一下
流行曲真的只可以係這麼的一個樣嗎？
同理...真的只可以講愛情的才會受歡迎嗎？
怪哉怪哉....

**********************************
流行曲

填詞：林海峰
作曲：Eric Kwok/Jerald
編曲/監製：Eric Kwok/Jerald

清唱　一開口用喉嚨聲清唱
這樣　才會令你為我拍掌
扮偶像派係我理想

感動　段段歌詞要寫得感動
能夠　講鼓舞及明日理想
一淺白易明人就唱　wo

假音　唱到第二段0黎個假音
震音　震爆個尾音至夠壓場　wo
慘情　我愛你抵死冇好收場
煽情　必兩粒眼淚情緒高漲　wo

去到　chorus chorus要易記易唱　wo
記住要　重複　重複　我為K迷著想
仲要　repeat又repeat　這旋律先算最強
流行曲　要大眾　隨時隨地唱

點唱　手機響用和弦聲即唱
這樣　日與夜我會到處響
日播夜播就最理想　wo

和音　要大量和住咪我走音
懶音　好有風格人人會跟得上　wo

去到　chorus chorus要易記易唱　wo
記住要　重複　重複　我為K迷著想
仲要　repeat又repeat　這旋律先算最強
流行曲　要令到　全場大合唱

再上再上　呢段要越唱越搶
再上再上　呢段會越唱越娘
爭住唱　你記住要出我份糧　冇錢點唱

再上再上　0拿實塊面唱做樣
再上再上　一定會斷氣內傷
三連音　三連音　三連音
三連音　三連音　三連音　音

wo chorus chorus要易記易唱　wo
記住要　重複　重複　我為K迷著想
仲要　repeat又repeat　這旋律先算最強
流行曲　唱就唱　咪求其是但唱

我首流行曲　一定中　一定爆
爭住點唱　攞硬獎

請對陳日君公平一點

剛剛晚間新聞報導
梵諦岡正式委任
天主教香港教區主教陳日君
成為其中一位新樞機

我不是天主教徒
其實我都不知道樞機究竟是甚麼
亦不知他們選人的要求等等
我相信大部份的香港人都不知罷

但近日這個傳聞傳出後
我在街上聽到很多奇怪的聲音
有用粗口罵陳主教的
亦有話教庭唔知點諗野的
更多係話唔知陳主教有乜好的.....
原因當然係因為陳生近年在香港的高調言論

主觀而論
我都覺得陳先生的言論係有點過激
但都是他個人對社會對政治的立場罷了
沒有傷害過任何人罷？
我就沒有對他有甚麼大的反感....

但好奇怪的
香港人自己就要言論自由
但係對別人的言論就會說這道那
尤其對異見就更加會罵到對方像殺父仇人似的
那麼和那些極權政府有甚麼分別？

好，都算啦，唔喜歡佢多說話
罵佢都算啦....你們都有你們罵人的自由...
(咁講係咪有點那個........！)

但是，今次....
不是甚麼社會、政治的問題
而係別人宗教上的任命.....

我真係睇唔過眼
幾時到我們非教徒的去說三道四？
好，你認為您時事政治智慧高過佢
你可以話佢高調話佢衰多口
但係你絕唔可以亦冇資格去
否定他在他的宗教上的好與壞！

因為這些是他們內部的事
做外人的為何要加把口？

請對他公平一點罷....