科技騙局

今天開了一個很有趣的會！
因為遇到兩個可以話係吹水怪的客！
他們想我們替他們的新公司做一個網頁！

一間話號稱生化科技的公司
其實揭穿說就是那種甚麼
「鑽石能量水」差不多的講法
再加埋好似「納米」技術的濫用術語
總之我就唔信他們那套鬼話

很有趣的是，他們講到自己真的好信這套一樣，
不知他們是已被老闆催眠還是甚麼
總之他們真的好像以為那套無稽的科學理論是真的一樣！
一個杯可以經他們的科學加工後
變成一個可以把普通水變做能量水的容器！

哈哈！真的要恕我冇想像力了！

但佩服他們的是一個好偉大的藉口！
他們叫人入會，說要人幫佢地做實驗，
之後收集數據証實他們的科學理論。
佢地會每個月寄一件產品給會員試.....
件產品係好值錢的，佢地話價好貴喎.....
所以每個會員每月要俾返幾百元佢地喎....
但係佢地的產品是.....例如一個完全睇唔出有乜特別的水杯！
不過話只要把那水杯盛滿水，20分鐘後o的水會變成唔係水喎.......

咁都未夠好笑......
最後，佢地話，為了在最短時間內吸引最多的人來做研究，
會叫會員介紹人入會.......
當然每介紹一個人都有現金回贈啦......
而且介紹回贈還可以下連五層......

聽到這兒..真係無話可說
轉個圈原來又係這種玩意

但真係唔明點解到今時今日還會有人受這套？
人真係唔識進步？還是貪念真的可以使人變的愚蠢？

小心小心