遭殃的左手

前天的晚上，十二時左右，
從微波爐中拿出一碗剛翻熱完的湯，
怎料放在微波爐頂，關門時竟夾住了左手的濕布，
當我矇然不知地拿起那一大碗湯時，
一用力，因左手的布給夾著，
右手便提得比左手高很多，
滾熱的湯水就倒向我那遭殃的左手了！

大叫一聲，立即放低那碗少了一半的湯，
衝入廚房用水猛沖隻左手....
跟著整晚就不停用冰袋敷手，
後來兩個冰袋用完，就改用冰水，
浸了很久很久，但每次當左手拿出冰水，
不夠半分鐘，就會痛得非常利害，
是一種整隻手背被火燒的感覺！

最後冰箱入面三個冰格的冰用晒，
冰袋亦不及再雪凍……
那時已是三時許接近四點了……
那時心想，再靠冰水都不是辦法，
於是把心一橫用右手大力捉實左手前臂位置，
衝上床死忍！！

那簡直是可怕的痛楚！
幫我換了整晚冰的四弟看件我的樣子，
想笑又笑唔出的，直到我忍唔住講了一句，
「好似練鐵沙掌咁！」他終於忍唔住笑了出來！

但真的痛得好利害，由入面燒出來似的！
最後叫他拿條繩給我，扎實隻左手，
咬實牙關忍到睡著為止……

第二朝醒來已冇咁痛了，
不過隻手仍然是紅紅腫腫的，
到今天又好了少少，但仍是紅紅的，
但已消腫不少……
上面張相就是我剛剛影的了。
中指位開始有水泡了，
希望快點好啦，得一隻手用鍵盤是很麻煩的事！>.<