即興旅行

公司的同事其實商量去泰國已經差不多兩個月，
我一直都是置身事外，表明立場是不去的，
一來今年己去了一次日本，二來既冇錢又冇時間……
當然，他們亦一直不放棄地叫我一齊去。

他們一直說是十二月頭去，
但一直到前天星期一還未落實，
終於昨天拿了所有機票加酒店的價目表，
繼續在我面前不停叫我「去啦去啦，好平呀」。
三千元四日三夜，算不算平呢？

後來連我們的包租婆聽到都話一起去，
她在那邊有朋友，還立即打電話去問有冇時間接待我們。
那些有錢太太真的非常好客，
二話不說就話歡迎我們過去會帶我們四圍去玩去食，
所以包租婆就係咁加入埋勸我一起去的行列。

最後，在他們的車輪攻勢，
加上強勁的美食、榴槤、SPA的引誘下，
想想下又好似機會難逄，又可以氹女朋友仔開心，
拍檔亦講左四五年都未有機會一齊出去玩下，
於是我決定把個責任推到老媽子身上……

奇怪罷？
因為要在週末去旅行，首要條件是舖頭要放人，
再者，去年十二月去日本玩雪就是因為舖頭忙而去唔成。
所以今次我就好古惑地明知女友去了食晏時，
打回舖頭問問媽媽會唔會忙到放唔到佢假。

我心想，如果真係好忙，就心安理得地不去啦，
怎料，媽媽聽到我話係公司同事去旅行，佢想了一想，
就話頂兩三日佢都可以頂得住……
噢，最後一個給自己的防線都失守了！

於是再同女友商量後，決定去了，簡直有點豁出去的感覺！
這兩天和回來後的日子，將會工作多到嘔！
不過大家見我一起去都好開心，
女朋友仔有得去玩更不在話下，
都好，他們去一定會帶晒靚相機同CAM，
唔怕冇人幫我地影相！

星期五去，星期一返來，大家都決定忙埋這兩天，
一上了機就唔理香港的任何工作盡情去放鬆一下了！
有甚麼事，都返來先做餐飽啦！

超好食的榴槤，從未試過的SPA，我們來啦！