RSS訂閱剛剛坐火車轉地鐵返工時
一上地鐵
身旁的年青男子就不停地說話
初時不為意
以為他和身旁的男人談話中
但突然他一個箭步走到我身旁的門邊
對住門外黑黑的隧道繼續他的對話
我還有一絲希望他只是在用免提講電話中.......
但很易就看到他雙耳都是空空的
而且好明顯他是控制不了自己雙肩及雙手的肌肉
不停的雙肩跳動，雙掌則無意識地揮、轉動
在他另一邊的女人立即帶著怪異的目光看著他.....
然後急急的走了去另一卡.....
我完全沒有移動
繼續倚在門旁
或許有點見怪不怪了.......
而且不想做一些帶有色眼鏡的動作
他自己跟本不知自己做甚麼的罷.....
寫下這些不為甚麼
只想作一個記錄.....
現在才二月但印象中
今年已遇見第四個有這類病的人了
身体健康重要的同時
其實精神健康同樣要緊的.....
「香港人......放鬆o的啦....」
2006-02-28
自言自語的人
2006-02-27
Perry的婚宴
這個月尾要去兩個大學同學的婚宴
不知由何時開始
腦中就記牢了是相差兩天
記得一個是月尾2月28日
就順理成章地以為另一個是2月26日
但25日7:45pm時
突然有人打來問︰「阿sam,您到了嗎？」
才嚇了一大跳
於是立即趕出去
好在地點是在尖東的香格里拉酒店
火車出到尖東站就到了
八時半左右去到
以現在香港的擺酒慣例
當然未開席啦.......
第一次在酒店飲宴
其實同酒家差不多
場景富麗堂皇些
食物都是大同小異啦....
但是總是有點不習慣那種
一上菜就立即分好一碟碟
又立即把整碟拿走的做法
一碟乳豬每碟分四五塊....
但好明顯不是個個都喜歡吃罷....
又見有人不吃魚的成碟魚未掂過就叫人收走了
總言之....感覺怪怪的....
說回正題
Perry 同老婆相識於大學時代
當初同perry不太熟
所以不知他們是怎認識的
但他們拍拖是人所共知的了
更令我難忘的是
Perry是由非基督徒開始
拍拖後慢慢由跟女友返教會
到最後成為一個基督徒的
友人間打趣的說法就是
他給女友踢了入會呢....^_^
轉眼間六七年的時間
他們步入新的一個階段
在此謹祝他們這一對
白頭到老永結同心
(連生貴子等語不敢隨便亂祝了.....=P)
2006-02-23
流行曲@三字頭
這首歌放係全碟的最後一首
原因大概係因為這首歌係唯一一首
同大碟主題「三字頭」冇關的.......
但是這首歌的旋律真係幾好聽的
有機會大家可以聽聽
歌詞方面...大家看看
真係好貼題...原全就係香港近年所謂「流行曲」
的最真切最具體的描述
近年其實香港的「流行曲」
絕大部份就是跟這條方程式出來的罷
再加去近年有八成的詞都係出係兩位仁兄之手
誰？當然係林夕及黃偉文
其實我們...或者係心我們更細的一代
基本上是食他們的文筆奶大的
您估係國文課的李白杜甫的詩詞多人識
還是這兩位當代詞人的詞多人曉背呢？
奈何這兩位仁兄都太有點市場主導...
總是只寫一些怪怪的愛情觀念....
這首歌真的可以令人反醒一下
流行曲真的只可以係這麼的一個樣嗎？
同理...真的只可以講愛情的才會受歡迎嗎？
怪哉怪哉....
**********************************
流行曲
填詞：林海峰
作曲：Eric Kwok/Jerald
編曲/監製：Eric Kwok/Jerald
清唱 一開口用喉嚨聲清唱
這樣 才會令你為我拍掌
扮偶像派係我理想
感動 段段歌詞要寫得感動
能夠 講鼓舞及明日理想
一淺白易明人就唱 wo
假音 唱到第二段0黎個假音
震音 震爆個尾音至夠壓場 wo
慘情 我愛你抵死冇好收場
煽情 必兩粒眼淚情緒高漲 wo
去到 chorus chorus要易記易唱 wo
記住要 重複 重複 我為K迷著想
仲要 repeat又repeat 這旋律先算最強
流行曲 要大眾 隨時隨地唱
點唱 手機響用和弦聲即唱
這樣 日與夜我會到處響
日播夜播就最理想 wo
和音 要大量和住咪我走音
懶音 好有風格人人會跟得上 wo
去到 chorus chorus要易記易唱 wo
記住要 重複 重複 我為K迷著想
仲要 repeat又repeat 這旋律先算最強
流行曲 要令到 全場大合唱
再上再上 呢段要越唱越搶
再上再上 呢段會越唱越娘
爭住唱 你記住要出我份糧 冇錢點唱
再上再上 0拿實塊面唱做樣
再上再上 一定會斷氣內傷
三連音 三連音 三連音
三連音 三連音 三連音 音
wo chorus chorus要易記易唱 wo
記住要 重複 重複 我為K迷著想
仲要 repeat又repeat 這旋律先算最強
流行曲 唱就唱 咪求其是但唱
我首流行曲 一定中 一定爆
爭住點唱 攞硬獎
請對陳日君公平一點
剛剛晚間新聞報導
梵諦岡正式委任
天主教香港教區主教陳日君
成為其中一位新樞機
我不是天主教徒
其實我都不知道樞機究竟是甚麼
亦不知他們選人的要求等等
我相信大部份的香港人都不知罷
但近日這個傳聞傳出後
我在街上聽到很多奇怪的聲音
有用粗口罵陳主教的
亦有話教庭唔知點諗野的
更多係話唔知陳主教有乜好的.....
原因當然係因為陳生近年在香港的高調言論
主觀而論
我都覺得陳先生的言論係有點過激
但都是他個人對社會對政治的立場罷了
沒有傷害過任何人罷？
我就沒有對他有甚麼大的反感....
但好奇怪的
香港人自己就要言論自由
但係對別人的言論就會說這道那
尤其對異見就更加會罵到對方像殺父仇人似的
那麼和那些極權政府有甚麼分別？
好，都算啦，唔喜歡佢多說話
罵佢都算啦....你們都有你們罵人的自由...
(咁講係咪有點那個........！)
但是，今次....
不是甚麼社會、政治的問題
而係別人宗教上的任命.....
我真係睇唔過眼
幾時到我們非教徒的去說三道四？
好，你認為您時事政治智慧高過佢
你可以話佢高調話佢衰多口
但係你絕唔可以亦冇資格去
否定他在他的宗教上的好與壞！
因為這些是他們內部的事
做外人的為何要加把口？
請對他公平一點罷....
可惡的人、可惡的稅局
公司的拆夥事件轉眼間已一年多了
當一切都好像過去了的時候
問題又出現了....
事緣早幾個月公司收到稅局的稅單
我們是合夥人公司
所以合夥人不可以出糧
但係公司的盈利則可選擇分配回各人的
個人入息課稅
作為個人入息稅計算
不知為何，今年稅局沒有撥入個人計
於是乎..係利得稅率16%之下
張稅單個數字都幾嚇人.........
經電話查詢後，稅局叫我們每人
填返張表格，傳真回去就可以再評稅
其時那位仁兄已離開好一段日子
亦唔多聽我們電話........
於是我們只好電郵加郵寄了那張稅局的表格給他
早兩星期，
稅局竟然寄了張遲交稅的罰款單來！
電話去問，稅局竟未處理我們的表格！
過幾日終於有新稅單
但係.....原來那位仁兄冇交過張表
所以公司還是要交萬幾元稅！
最後我出面找到他
他竟然話收到封信但冇理到！
最後佢都肯傳真返張表去稅局
其間又收到稅局的最後通知如再唔交就要再罰10%
我即打去問.....
話佢知搞緊.....其實利得稅應該會係0,可否唔交住
點知那個男人好惡咁話,應該即係唔知係咪啦
咁您快o的交左佢先唔係會照罰您錢........
又話最多到時唔駛交先退返......
冇計..唯有照交.........
今天終於收到最後的評稅...
果然係唔駛交利得稅........
但係.......唉.........
交左萬幾元..但係佢話有5%係罰款冇得退....
唉.....跟本就唔駛交稅點會有5%.......搞錯
其餘的....有一半係出年的稅的預繳.....
所以冇得退...要退都要等出年評完稅先！！
咁樣壓左我們5千元！！
更可惡的係.....最後的5千元.......
竟然話係退俾我們的舊合夥人！
稅局話因為本來那些計多的稅係因為這個合夥人
所以就會退俾他.......！
搞錯....無端端要我們公司退返佢數.....
佢又玩失踪就真係搞笑了........
真係唔知咩稅局來的！
那位仁兄又係！當初肯一早傳真咪乜事都冇......
又係唔知咩人來o既.....!!
可惡！
2006-02-20
搞出野@三字頭
很多大學的舊同學不斷轉工
做一年半載就話悶想轉轉環境
有些就抱住唔轉工上位唔快的心態
或者就係轉下工有人工加之類
這些東西我就真的搞不懂了
但很多個都會講
儲多幾年錢睇下有咩搞先
更有些經常問我有冇野一齊搞
或許到三十幾歲的時候更會似這首歌的歌詞......
唔知點解
第一次聽這首歌就覺得o的歌詞好正.....
****************************************
搞出野
填詞：林海峰
作曲：Jerald
編曲/監製：Jerald
一早起身又唔願起身
返到公司又唔想做野
對住阿姐 唔想做0黎做去 都係0個0的野
成副機器 唔想日做夜做 啤啤啤
咁點呢 0下 咁點呢
越0黎越hair 唔想越0黎越pair
我係一條龍 唔係一條蛇
唔要等車 行快兩步去 搵0下自己要O既野
搵阿星爺 嘆杯熱茶咖啡 嗲嗲嗲
我0地要 搞0的野 yeah 搞0的野
喂 出0黎飲杯野啦喂 圍埋傾0的野啦喂
一齊度0的野啦喂 諗0下搞0的乜野啦喂
一世打工似乜野 一於要做番0的野
諗0的野 傾0的野 搞0的野 唔想hair
大人做野 夾手做壇大野
勇就好夠勇 唔夠水喉fair
唯有隊啤 人醉我又醉 嘔到大家猛作野
搵李嘉誠夾錢去月球發展 嗲嗲嗲
我問你 喂 你嗲乜野 0下 嗲乜野
喂 出0黎飲杯野啦喂 圍埋傾0的野啦喂
一齊度0的野啦喂 諗0下搞0的乜野啦喂
飲到個身體傾斜 班友掛住開心hair
諗乜野 傾乜野 搞乜野 hair hair hair
落翠華 上文華
相約舊同學 叫杯茶 吹水到家
大生意 咪猶豫
先集資 然後搞上市 講得夠誇
無聊騎呢旦散有乜用 就襯興奮去衝動
做個好夢發夢會成功
喂 炒埋公司個老細 圍埋一班獻獻計
搞壇大單野架勢 諗0下退休點嘆過世
呢舖實掂過碌庶 咁高興仲講乜野
飲杯野 飲jar野 飲打野 yeah yeah
喂 出0黎飲杯野啦喂 圍埋傾0的野啦喂
一齊度0的野啦喂 諗0下搞0的乜野啦喂
講過幾多幾多野 把口咁大吹乜野
一邊hair 終於會 搞出野
yeah yeah yeah
街頭瘋漢
今天在公司附近
看見行多警察
原來是有一個瘋漢
在彌敦道及佐敦道交界的十字路口
衝出馬路邊大叫大嚷
又阻車又罵人的.....
有途人報警後
警員到場展開追逐
一個老伯途人不幸被那人撞倒
我看見他頭破血流
還不停流鼻血似的......
最後近十名警員把那瘋漢制服
無端端有血光之災
真替那個老伯伯不值.....
現在香港地真的好像越來越多瘋漢似的.....
我三不五時就會碰到一個.......
魔幻王國-獅子、女巫、魔衣櫥
魔幻王國-獅子、女巫、魔衣櫥
The Chronicles of Narnia: The Lion, the Witch and the Wardrobe
本來半個月前已想睇的了
但唔明白點解馬鞍山間戲院總是只播粵語版！
早幾天終於看了
這齣外國的經典小說改篇的電影
不竟是兒童讀物
是那種晚上在床邊講給小朋友聽的故事
簡單明瞭的流情
善惡分明的人物
邪不能勝正的結局
最孩子氣的地方是弟弟只為一些糖果而信錯壞人
全系列是七個故事
今次拍的是第二集
大概第一集的劇情應該
是和那個怪怪的博士有關的罷
尤其在出字幕中段出來的那段中
他的一句︰「不用試了,您不能再入去了，我試過很多次了....」
那麼第一集大概是他的故事罷....
如果是基督徒
或對聖經故事有所認識的話
不難發現中間很多有聖經意味的喻意
很喜歡獅子王被殺至復活的一段
被殺前
要自己面對已知的死亡
要受盡凌辱.....
毫不反抗.....
腦中出現的是「紫色的袍」的歌詞....
復活後
「當一個無罪的生命，代替一個有罪的生命死
石桌就會裂開......」
記得人子在說「成了」之後的現象嗎？
不想談得說教似的
只是想說可從另一個角度去看這個故事罷
話說回來，二弟很多年前
已從他教會的圖書角中
借過這套書回來看......
只是當時我以為是兒童讀物沒有拿來看過......
2006-02-18
三字頭@三字頭
不知由何時開始
很深刻的覺得自己正一步一步的
步向三字頭...一步一步.....越來越近
第一次聽這首歌
有點點共鳴....
或許....數年後
可能体會會更深......
由於在公司對著
幾個三字甚至四字頭的同事
更預視到三字頭究竟是甚麼一回事
應該說三字頭的男人是甚麼一回事.....
每人都會好最少一種玩具
有好模型超合金機械人者
有好高科技電子產品者
有好攝影相機錄像者
有好波衫波褲波鞋者
原因是....大概大家心裡有數罷....
歌詞中的「私竇」
在dvd中有得睇....
大概是各位男士夢寐以求的...
只看那個私人三人足球場....
就已經沒話好說了......
「日日winning winning0既老豆」
令我想像一個很有趣的片段.....
十年後，成班麻甩仔變晒麻甩老豆
大家美麗動人的太太們抱著活潑可愛的小寶貝
坐在一旁看著這班大肚腩開始脫髮的大細路
咦嘩鬼叫的在玩著winning eleven 19........
如果夢見這一幕，一定笑醒！
***********************************************
三字頭
填詞：林海峰
作曲：陳奐仁＠The Invisible Man
編曲/監製：陳奐仁＠The Invisible Man
我最憎要開會做小丑
最怕打領呔扮晒死狗
人人話我細路我都受
其實好老餅我怕乜醜
日日winning winning0既老豆
邊位湊湊我當佢天后
人人扮晒領袖 我話最忌出頭
其實我掛住0既係快樂足球
一班麻甩佬掃貨去反斗 行夠買夠玩夠
波波池高低跳跳到想嘔 成班顛狗
喂三字頭 大玩具同班細路爭打崩頭
喂三字頭 迪士樂園欣澳站專車等候
有野玩要玩野請舉手
我有一個私竇有裝修
模型電器要舊有幾舊
為靚煲隻碟我睇開頭
成日英超英超買兩舊
翻工我照撐落八點鐘後
平時扮0下細路 細路有大想頭
隨時又變老豆 老豆掛住推油
玩波鞋t-shirt鬥快趣爽手 人冇0既我都有
草蜢和daft punk跳舞兩邊走 成班反斗
喂三字頭 望住大雄星戰合金好享受
喂三字頭 越舊越懷三塊葉經典保留
喂三字頭 艾慕杜華聽軟硬天師解愁
喂三字頭 夢幻樂園俾我任玩新玩舊
喂三字頭 扮做大人兼細路擺左擺右
喂三字頭 日日在回憶八十貪新戀舊
喂三字頭 做大事唔玩你又點玩出頭
到左七字頭 玩具大王玩訓直死得風流
細路哥@三字頭
一句”what are you looking for”
有一種打入心的感覺
會考.....已過十年....
十年後...各位會是怎樣呢？
今天上班的路上
看見一個媽媽神秘地拿了一包糖果出來
那個細路哥立即開心得跳起來笑起來
看見為了一包糖果就能由心樂出來的小朋友
真的很懷念那個早已一去不復還的歲月
接著就想起這首歌........
細路哥 你得到什麼 你失去什麼
***************************************
細路哥
填詞：林海峰
作曲：陳奐仁＠The Invisible Man
編曲/監製：陳奐仁＠The Invisible Man
某一年一班剛剛考完會考0既同學約埋一齊唱K
流行曲唱到一半0既時候
其中一位朋友問0左隔離0個位一個問題
喂 你估0下二十年後0既今日我地會變成一個咩人呢
二十年後
可能已經變成一個西裝骨骨0既中環人
手帶勞力士 銀包有好多張信用卡
放工0既時候就一齊0向酒吧度
一邊望住個煙灰盅
一邊就望住隔離檯0個個女仔
睇0下佢條裙幾時會走光
二十年後
大概終於會買0左個部好想擁有既汽車
但係仲有二十幾期要供
二十年喇 應該轉過好多份工
識做0既野越0黎越多
但係同時發覺學識越0黎越少
0向0個個時間 間唔中可能會去0下gym
但係做0黎做去都係減唔到個肚腩
當然二十年0黎你間唔中都會諗起一段
一路都未能放低0既感情
女朋友越0黎越多 但係愛0既越0黎越少
細路哥 你得到什麼 你失去什麼
你知道 what are u looking for
大概0向0個個時候可能會有身邊0既親人離開
而0個個陣時你會有好多講唔出口0既遺憾
同時間你會發覺原來人生已經過0左一大半
同年終於結婚喇
用左半生0既積蓄俾左一層樓0既首期
有車位有泳池會所
娛樂越0黎越多但係快樂越0黎越少
兩年後 可能會離婚
回復單身之後0既一個晚上一個人0個向床上面
查住個搖控不停咁轉台 食0左兩粒安眠藥
跟住點起支薄荷煙
然後流0左一滴自親人離世之後0既眼淚
突然之間你又諗起 0向二十年前
你係一個咩人 係個一晚
一大班同學約埋出0黎唱K唱到天光
仲記得係個朝返到屋企0既時候
打開門0向檯面見到有一碗屋企人留低0既湯
碗湯已經凍0左喇
細路哥 你得到什麼 你失去什麼
你知道 what are u looking for
一隻很喜歡的碟
一向都不是經常買碟的人
去年有一隻碟是沒考慮
沒遲疑的要去買的
就是林海峰的「三字頭」
因為入面好幾首歌的詞實在太正太正了！
再者，這隻碟的包裝亦都是正到爆之作！
人造草皮做面,入面本歌詞書仔亦都一流
隨碟送的dvd,有機會定要一看
有好幾段東西是很......有味道的
十多年前的軟硬年代已很喜歡他們
很多人只記得他們無聊的一面
但其實他們兩個是一個另類的哲學家
近年的快慢必，I love you Boyz 之流完全地望塵莫及！
不多說
近日因為很想寫點東西
決定拿返半年前已想寫的出來
將會有一系列這隻碟的歌詞賞析小評
學下別人點歌時的口吻
請留意歌詞......
2006-02-14
情人節祝大家....
有情人的
開開心心甜甜蜜蜜
早日拉埋個天窗
冇情人的
好好享受獨身的自由
快快找返個夾得來的另一半
雖然情人節早已給我們的
資本社會物質化商業化金錢化
但只要常存一顆赤子之心
無論有物質、金錢與否
都必定可以過一個珍貴而浪漫的節日的
紅色炸彈雙連環
大學的同一堆男生入面
(所謂一堆....其實都唔夠十個)
突然有兩個一起派炸彈
還要個爆炸日期只差兩天！
完全是想炸掉大家新年的利是錢！
但無論如何
炸得幾傷都好
大家都係衷心祝福他們的
但願兩對準新人都
白頭到老永結同心
(那天我祝他們連生貴子三年抱兩甚麼的
竟被視為一個詛咒而唔係祝福.....
時代唔同了......)
狗年大吉
雖然年元宵都過埋
但係正所謂
「有心唔怕遲，十月都係拜年時」
現在還是正月罷
講聲遲來的恭喜發財
狗年大家都心想事成啦
狗，大概係十二生肖入面最多人喜歡的動物罷
希望狗年會有更多人愛護這些可愛的動物啦
只可惜未有能力養返隻.........
訂閱：
文章 (Atom)
