04年再見

去到04年最後一日了
今年都算發生了很多很多事！

點都好，希望明年比今年更好更好！

回顧及展望都等出年先寫啦

祝大家新年快樂！新一年開開心心！

地震、海嘯

2004年12月26日
印尼發生的9級地震引發出來的大海嘯
截至現時為止死亡人數已接近二萬人
傷亡真的非常慘重

在大家還是平平安安過著聖誕假期的時候
這突然而來的天災震撼著每一個人
亦把一大班抱著美好心情去度假之人的夢破減
更把一班沿岸的人民經歷了一場惡夢

雖然到目前為止未有甚麼人拍到當時的情形
但可想而知當時的海水威力是可其之大
在海邊，小島上的人們就如經歷了一場大洪水般
切身處地想像，當時完全不知情，
突然巨浪掩致，甚至自己身處的房屋亦一起沖走
那種感覺一定有如面對世界末日
真的想起都可怕！

願災情可以盡快受到控制
傷者能早日康復
失?的人亦能平安無事
受害的人能早日回復往昔的生活

另一半

很想在這個特別的日子談一談另一半

聖誕節，都幾特別，
對我來說這一日曾經是一個有雙重意義的日子

今天，自己一個人在公司
過了一個孤獨的聖誕節下午
其實都很不錯
人，真的很需要一些獨處的時間
那種感覺有人不明所以時會覺得很悶很可怕
其實孤獨卻是一個很有用的感覺

回正題
說實在的做了廿年人從未想過會有一個這樣的女朋友
性格方面大致上都是由細到大唔知點解會選的類型
但在學歷，年齡，興趣，人生的看法上真的沒想過會這樣子的

自己總算是勉強讀到書的人，還常自稱「讀書人」「知識份子」
怎會想像過會和一個完全讀唔到書的人走在一起？

年齡對我來說問題其實不大，年少無知時
比自己大的女仔都夠擔去追.....
其實細過自己又如何.......
只不過想都冇想過會細三年半罷.....

興趣方面，除了都會陪我做下運動外
我最嘉歡的看書....她不太看啦....雖然近來看多了
行山那些佢又怕曬啦....不過我要行佢都會去的卦...
游水就游一會就會話累及怕曬.....

對人生的看法
她就是那種簡簡單單相夫教子就心滿意足的女子
還有一個字......慳........
咁講真，我都好慳...
但我只是知自己窮所以迫住慳....
我成日會諗....我唔會一世人係咁架慳...
只係為著我的將來舖路....
我一定要自己有機會有能力有本事去豪架！
點解有人可以住大屋？點解有人可以執靚車？
點解我唔得？！我一定要爭取更多更多......

但我倆卻又有點一拍即合.....
追.....可以話從未試過咁易追到一個女仔....
可能因為.....大家都有意罷....

昨天的晚飯，其實給我一個很深的感受....
爸媽及他們的朋友們在談我們，
爸爸不停話Yuki好乖....肯做這樣肯做那樣....
想深一層....又係喎.....
夜晚o的碗冇人洗,她又會主動去洗
??出來住幾日，她又肯幫她去洗手間
換衫換褲..洗腳抹身都做埋
半夜三間都可以起幾次身幫??上洗手間
爸媽在舖頭吵架,她又會幫口舒緩氣氛
說實在的，這兩年我們屋企入面的氣氛是真的開心了很多
或者就是多得她的多口罷.....

雖然她有時真的不太懂人情世故
甚至有點口不擇言...細路女亂講野咁....
有時又真的會令人尷尬及不快的....
但想真點，都只是她還帶有一點可能我已沒有多少餘下的天真罷.....

當然「口不擇言」的程度還有學習改進的空間
但，我會覺得這個由得她隨著年歲去變罷....
希望各位兄弟包涵包涵^_^

昨天大概她也不知道....
我更進一步看清楚她為我所作的
亦進一步的更清楚我會更愛她

或者現在的她不是最完美的我都一樣
希望我和她真的可以一起進步下去
就當.....為大家兄弟們做個小榜樣啦....
真的很想大家可以一雙一對的一起出來過聖誕呀
兄弟們加油呀！

算啦...真的不太懂講說話....
就講到這兒算啦.....

最後，補祝一句
各位，聖誕快樂！

聖誕節疑問

每年這幾天，
街上總會有很多很多人.......
在購物，在慶祝，在狂歡........在瘋狂.....

其實他們開心甚麼呢？
還是只用一夜的狂歡來給自己一個減壓的理由？

有幾多人會細心想一想這個節日的真正意義？
還是，他們的心中，聖誕節就只為學聖誕老人咁互相送下禮物開心下？

作為一個全球其中一個主流宗教的節日....
是應當普天同慶.....但是否現在這般「慶」法？
異教徒又「慶」，冇神論者又「慶」，甚至連宗教係乜都未知又「慶」埋一份？

還是這只是幾十年前開始，
西方的商人想出來的賺錢法問呢？
如果係咁的話.....可能遲下....其他宗教又給攻佔...
佛誕呀、車公誕呀、回教的齋戒月呀等等........
全部都可以係商場大減價的借口.......

人呀.....究竟你們知否自己在幹甚麼呀？！

平安夜及聖誕節

昨天，聖誕前夕，
一早就入了上水從安老苑接祖母出來，
現在有馬鐵，由上水火車站返到第一城都係七個字的事
而且更方便了祖母的輪椅上落

一家人去飲茶，
??見到咁多人陪她實開心啦
還有爸爸的老朋友馬生馬太

之後上了契爺家陪??打牌
??還有本事自摸清一色添

夜晚出街食，
整天都陪住家人，
沒有和女友二人世界的時間，
不過她亦不介意，二人世界還有大把機會啦.....

整天不停給不同的人在問、提、講...
都係話想問我們幾時結婚咁.....
這個問題都ok，咪照問，我照冇答lor...

反而我諗到一樣好得意的情形....
就係有朝一日，我們一班老友
帶住自己的小朋友，出來食飯
還談論住︰
艾云您的仔幾時娶老婆呀？
艾倫您個女嫁人未呀？
阿mark您抱得孫未呀？.....
哈！好難想像......
但到時又一定真係會好開心.....


今天爸媽及女友都要返舖頭開工
都冇街去，於是自己出了公司
做下野，執下野咁....
其實聖誕節唔一定要四圍去
反而真係想一個人可以靜靜地咁過.......
學艾倫話齋......老了！

不過，如期待明年的聖誕節......
十二萬分期待……

理財教育(二)

之後，提到該母親有一次發現一次過冇晒電視頂的零用錢
後來發現原來係女兒拿晒回校用來向同學買「昆虫」
學校得知後，大為緊張，發現原來學校有很多小朋友
尤其係男仔，在四處捉好多昆虫來賣給其他唔敢自己捉的同學
還由開頭的一兩元到賣到十元一隻.....

其中一個男孩好天真地說︰「冇呀,想賺返o的零用錢買下汽水」
另一個則扮大人咁話︰「我大個想做賣昆虫的生意，現在細個咪要拿些經驗」
..........「賣昆虫」生意.........哈！
最後老師就在課堂上教大家昆虫的知識，
仲話小朋友們一起去捉昆虫....
小朋友真係唔應該乜都向錢看.......大個仲有大把機會.......
向錢看到您怕都得......

本來還有些例子係o的家長好o的識教仔的
不過唔長氣講啦

我只係覺得，唔好話小朋友，好多大人都唔係好識「理財」
最大問題係大家都以為自己大個人啦，識「管錢」啦.....
但包括自己在內，總是會自己騙自己.......

1) 中國人一句辛苦搵來志在食，就令人很易花費在這樣甚冇價值的地方去
可能大家都係「視錢財如糞土」啦...用錢來食...食完就變臭臭.....

2) 成日話儲錢，但唔知點解總係儲得一少步就用了去.....真係唔明

3) 以為買特價野係慳錢.....其實本來佢唔特價您就跟本連錢都唔駛花

4) 懶得自己做的東西就用錢來解決，最近有人提意不如公司找人返來洗toilet
......如果我公司有20層,近百格......我覺得ok.....但其實.......唉.....

5) 大頭蝦,成日唔見野,整壞整爛野等等.........

其實仲有好多好多.....只係在看完那個短短半小時的節目後突然有感而發
想寫番一大段廢話罷了........

理財教育(一)

早兩天偶然看見某電視節目談論
一些家長怎教小朋友「理財」這個高深的課題

或許現在的小朋友真的太幸福了
其中一個做實例的小學生小妹妹令我很深刻

做母親的每星期會放五棟八元的硬幣在電視頂
教女兒每天拿八元作零用錢，交通費則用八達通
記者就跟她返一天學，看看她怎用那八元
小妹妹不喜歡飲水，在第一個小息就用五元買了罐可樂飲
之後在第二個小息，就用八達通買了3.5元的紙包飲品請好朋友
轉頭又自己用八達通買多一包給自己....
放學後，又沒有立即用家，用八達通坐車去區內的大商場逛街
先去老麥買了兩元的雪糕食，跟住去行玩具店
看著一盒愛不惜手的$299高達模型唔想放低....
跟住同記者講︰以前自己喜歡甚麼爸媽都會立即買,但今次.....
原來今次媽媽要她自己儲錢買，她自己計過數
要買299的高達，她差不多要四十日唔買野先儲到
她直言覺得好辛苦兼冇可能.......
如是者，到她見到媽媽時，她的零用錢還餘下一元...
但其實她已偷雞在八達通用多了近十元！
為人母親的，得知後既擔心又無奈....
擔心的是女兒那麼細就亂用錢，無奈的是不用八達通又不行

某天，女兒的小學舉行「貧富宴」，母親和女兒一起參加
當然，抽到做富有人家可以食自助餐的只有少數，
其他人只可作一天窮人，每人只可選一個番薯或一個麵包
當場看見好多抽了作窮人的小弟弟小妹妹哭了出來.....
「我唔想做窮人，我要食自助餐」是一個哭得雙眼通紅的小朋友對著鏡頭說的
同樣，那個小妹妹亦是抽中做窮人，選了一個麵包給自己及一個蕃薯給媽媽
看著她扁扁咀的食麵包喝清水，媽媽為了令她更了解貧富宴的意義
所以決定當天到晚餐前都不會買任何零食給她
於是，小妹妹更顯得悶悶不樂，和母親有以下的對話︰

母︰怎樣？對這餐有甚麼感覺？
女︰好慘，要食麵包，仲要係難食的麵包...(扁咀)
母︰如果餐餐都要咁食您會點呀？
女︰我會偷偷地去買野食....
母︰如果有得買野食呢？
女︰咁去買汽水,買著片,買雪糕啦....
母︰(苦笑)如果冇錢呢？冇錢買咁點？
女︰咁咪用八達通lor....
母︰......如果八達通都冇錢呢？
女︰.................
母︰冇得問人拿錢借錢喎....
女︰.....冇理由o既，點會咁架.....(扁咀)
母︰(開始說教)?！其實唔係個個人都好似您咁幸福....(下刪數十字)
女︰....唔好講啦...(欲哭狀)
母︰(繼續說教)xxxxxxxxxxxxxxxxxxxxx
女︰(忍唔住邊哭邊說)唔好講啦，唔會咁架，夠啦，我唔想聽這些呀.....

*************************************
看到這兒，大家有甚麼感覺呢？......
還有第二個案例的，連埋我的感覺下次再寫....

人生故事

昨天表叔，舅公在大陸下來了香港
爸便約了姨婆一起和我們幾兄弟和他們一起飲茶

第一次見這舅公，即祖母的弟弟
他不像祖母，他一點也不瘦
而且還很健康身壯力健的模樣
後來從爸爸口中得知，他原來真的是一個係自律的一個人
有自己的宗旨，有自己的一套，
活得開心，活得健康
看見他不期然在想，如果自己七老八十仍可保持這樣一副好身体就好好了！

反之，望見姨婆及祖母，有時都真的很心痛的
祖母過肥，後生又因為生活迫人弄至週身毛病
很動不便的痛苦真的不是切身感受過真的很難想像

姨婆還算行得走得，但雙眼的毛病還未完全根治
但老人家的性格又真的又時頗奇怪
總是教人摸不著頭腦.......
她不是惡，反而她對人太太太好....
好到您叫佢「不用等」「不用買」「不用招呼」等
她總是好像聽不見，好像自己欠了全世界每一個人一樣...
爸爸告訴我們，她的一生都很不幸，
詳情我不知道，但好像是和遇到一個衰男人有關....

想著想著，別人的故事就是這樣子
到自己老年時，不知我的人生故事是怎樣的呢？
平淡？精彩？沉悶？喜劇？悲劇？還是峰迴路轉的呢？
不過無論如何，只要是自己努力過笑過哭過的，
總會是一個好故事，因為這一本才是唯一一本自己做主角的小說
而可以讀畢全本的讀者，就只會有作者自己一人！

風波未了

那天心血來潮突然打了那麼大篇的一段文章
再看了這兩天的新聞
又有點謬論想寫一寫
沒閒情去理會這等無聊時的話
大可不看也罷

再重申一次，個人認為，
私有化未必是壞事，
入稟法庭的一眾又不是做了好事。
另我反感是大家都只從表面去狠評一些事一些人

在商業角度
無疑咁搞一搞，一定會有影響
但是否真的有他們說得咁誇張呢？
還是有人把影響無限擴大？

在民生角度
私有化後究意會係對大眾小市民好了還是差了？
真的公說公有理婆說婆有理
只可以放長雙眼走著瞧

在政治角度
說來好笑每次有甚麼事
總會有人站出來話事件已給人政治化
就好像是一個無言以對時的最後一個擋箭牌一樣
任何東西都是講道理講規則的
在商場上，只要不犯規，同行之間可以各出其謀
誰賺誰蝕自會分曉，敗者亦無可怨懟
風波未了

在政治上，豈不應該是同一道理？
大家都是依法辦事，大可各出其政治手腕
誰取得民心誰取得權力就自有分數
是否每次一讓對手下了一著意料之外的棋子時
就只懂得給對方扣上「政治化」這已給講成貶意的大帽子？
有本事把會著棋都下得好下得妙又何用怕別人政治化？
更何況成件事真的變成「政治化」都不知是誰的責任…

從政府角度
不用多說啦
政府入面最最高給的兩位都站出來講了一番話
那麼是否他們口中說的就代表整政府的立場呢
是的話，可說是政府的失策....又行錯多一著
不是的話，就是那兩位仁兄魯莽失言.....
對方行這一步妙著，擺到明係放個小市民出來對你個大機構
從來冇諗過可以勝過你，佢只係想來一場公平的法律決鬥罷
身為地方首長，係咪應該由得佢公公平平咁在法庭比一比就算？
為何要多此一舉出來說三道四？
想用成個政府嚇到兩位小市民怕事退縮？
想用成個政府迫法庭偏幫你的一方？
說來於事無補，徒失民心.....更自暴其短也.....唉

在法律角度
好慶幸終審法院最後不批准縮短原訴人的上訴考慮期
真不知哪個人白痴到叫個律師去提出這個要求
法律就係法律，每一個人都有公平的權利
唔可以話因為有五十萬個人買領匯，
唔可以話因為上唔到市會好多人有損失，
而去忽視一個香港市民應享有的法律權利！
我的角度睇，其實第一日判敗訴之後，
本來大班已出來話唔再在金錢上支持上訢，
即係人地都同你講，玩夠了，這局當和啦.......
點知轉過頭你又走去話要佢即日決定上唔上訴，
嘩！換轉係你都火滾啦，我都未話上訴你做o的咁下三濫的小動作做乜？
即係你驚，覺得自己理虧，想快些封晒o的後路？
咁就幾大都同你玩多舖啦.......
再者，向法庭提出這個要求的，簡直有點為求自己的利益
莫視及侮辱了對司法獨立，法治，法律的神聖角色.....

剛才無線的新聞透視
請了三個嘉賓，一個經濟學人，一個自由黨，一個民主派
前兩者擺出一個護主保皇的支態....
後者就必然成為孤軍.....
得十分鐘的討論，我只是覺得好核突....
民主派議員冇一句說話是講得完的....
哈！一方面會不滿甚至嘲笑長毛的不禮貌不文明
他們又可以這麼有樣學樣？....一個字.....笨

領匯事件

公營事業私有化，香港已不是第一次
幾年前地?公司上市亦不見有大問題
想不到今次房委會這個私有化上市計劃
會弄至現在這個千絲萬縷錯綜複雜的關係

最近聽到身邊很多人都覺得係告政府的人玩野
覺得係有人玩政治手段，有人阻住人發達....

其實我對這等言論是非常反感的！
對整件事我是很中立的，不是想偏幫任何一方
反感只因我不明白為何那麼多人會偏幫財雄勢大的一方？！

當初為何要上市？想私有化？
簡單來說係想集資，想收一大舊錢返來先算！
本來的計劃還是留了大部份給海外投資者，
只有少部份係給本港的小市民認購的！
點解？我會覺得係，根本整個計劃都冇諗過可以賺大錢！
房委會真係覺得可以賺大錢的話，就自己搞啦，
或者就主動俾大部份認購權俾香港人啦！(好似mtr咁)
某程度上我覺得佢想引外資落?罷......
但係o的香港人死性不改，驚住冇得炒，個個都諗住短炒即放
個個都諗住一兩個月放，搵鬼接貨咩！
咪睇下邊個唔好彩做最後那堆人........唉！

咁即係入紙認購的小市民又係為左短線利益啦
還要不是賺甚麼大錢，明知一人得一至兩手，
即係五百至一千股.....10元幾角一股.....即係要拿五千至一萬出來
還未計其他雜費.....升盡咪兩至三元，即係賺得一兩千元....
還要不是一定升喎.....

成件事賺得最勁係咩人？
收手續費的銀行，股票行之類......
銀行還要借錢俾人當孖展咁炒來收息...

好，以香港現在的入息中位數.....
您估有幾多人可以咁拿一萬幾千出來賺下錢？
一定唔過半數啦，打把人日捱夜捱都係得幾千元個月咋！

咁即係現在拿住公屋的市民的設施社區出來俾人賺錢
但係就原來絕大多數的公屋居民都冇本事去賺這些錢的....
這個現像係咪值得商榷？

當然，另一邊霜，鄭大班等一干人等，
力圖阻止上市的做法是否有其他動機，
就真的好難講，而且我都同意，
最後找兩個最窮的公屋居民出來告政府係有計劃的，
但係在一個主張民主的社會，他們這樣做卻真的冇違反遊戲規則呀！

他們有他們思想及言論的自由，
更應該有他們享有公平的法律待遇的權利！
即使他們的動機真係發窮惡唔想俾班有錢人咁易賺錢都好，
佢又的確係有權咁做呀，佢冇犯任何法，
他們只想有一個公平的法律去解決這件事罷。

但為何有關方面要出茅招？
為何社會大眾生活比較好的一班人會極主觀的話佢地玩野，阻住人發達？
這幾天我每次聽到這個新聞就聽到有唔同的人用粗口罵那兩個原告及鄭大班等人！
真的極端的反感反感反感........

係咪為了您們可以賺到錢，就可以唔尊重別人享有的社會權利？
係咪為了把窮人的服務出售，就可以唔向窮人提供法律援助？
係咪為了小眾人的小利益，就可以縮短別人考慮上訴的空間及時間？
係咪為了中上階層的人主觀意願，就可以隨便辱罵低下階層的反抗？

我不太懂法律，我不知他們告上法庭的理由充份與否
我只知他們的擔心不是冇道理，
集資尚未成功，只係做招股活動的宣傳已用了好驚人的一筆錢！
即係未集資先用一大筆，集資後或會有些微上升，
但當絕大部份持股者都係一升即放的話，
個價值就會跌，最後一定會唔值十元........
即係本來已經不可算好的公屋設施及服務會有機會變得更差......
再唔係咪請保安，清潔時的人工會少左或工時要長左...
咁這些工作係咩人做多？.....咪又係冇份買領匯的一群......
到時就錢就俾人賺走左離晒場.....苦就係下面那班去受.....

當然，以上只係可能出現的情況，
或者根本唔會咁....但係您要拿別人的東西出來賣....
係咪要令用的人安心先去做？
係咪別人想搞清楚求個安心都唔得？

我都唔知點解咁勞氣.....
是但啦......發洩完了........

紅灣半島

早陣子鬧得滿城風雨的事件
最後給大商家找到個好好的位下台
甚麼順應民意情願賺少幾十億都唔拆樓

整件事的發展都真的非常可笑！

當初是政府八萬五房屋政策
速成這件官商合作的「美事」
建立一個位放靚位置的「優質居屋」

怎料一個「救市」的無聊原因而令全港居屋停售
情願空置，貼埋電費管理差餉地租都要「救」返個「市」
為左「救」有錢買私人樓、炒樓的人甚至起樓的地產商
而要阻止中下階層置業的機會....這是那門子的理論！？

之後空置太耐，唔買出的話反而要賠錢給合作發展的地產商！
空置係為左地產商自己的私人樓....
但空置得而又要賠錢俾地產商.....
即係消防員破門入屋救返你條命之後，
你第一時間問佢收撞爛度門的錢！

最後為左唔賠錢，咪平平地買晒成個屋苑俾人
鬼叫你死蠢救左人之後做左人地債仔喎.....
仲要賣俾人時靜靜雞改份不平等合約出來
好似默許人地用塊肥田勁賺一筆咁

本以為政府的可笑到此為止，
想唔以為自己好醒的地產商同樣咁搞笑！

以為好低調咁宣布拆樓重建，怎料就變得異常高調
之後有人阻止，就亂咁講說話......
夠膽死話那個屋苑起到唔係俾人住咁！
甚麼洗手間連一個大肚婆或肥少少的人都入唔到呀，
設備唔夠唔o岩人住等等......

喂！當初這個係以「優質居屋」為目標以起架喎
大佬，玩呀，住居屋的唔係人呀！？
因為係「居屋」就可以起到差到「賣出去冇人要」呀！
當時我已經心想，到時拆唔成樓就真係笑爆

最後果然係有返少少天理，
最終都阻止到為左賺錢乜都得的地產商屈服
如果唔係咁浪費就真係折墮死！

不過俾佢好似好偉大咁「賺少好多錢」
就真係有點不值......
如果係「要蝕好多錢」就真係偉大啦！
不過，即管睇下佢「返新」完的屋苑又有幾「住得人」哈！

JIJIS

JIJIS - Joint Institution Job Information System
聯校工作資訊系統

還在中大時，這個系統剛剛成立，
當時還只是一個要用telnet去用的系統....
即係連網頁都未有...

我都有用過一下，但因為不太方便.....所以冇成功在那裡找到任何job...

原來現在已變成網頁了，
雖然設計得唔係好靚不過總係方便左....

今天以公司的名義登記了，
還出左一個招聘啟示，看看有冇些大學生有興趣試下做parttime

哈！去見工的次數唔算多....真係唔太鍾意俾人interview的感覺...
唔知有冇機會in下人....到時的感覺又如何呢？呵！

年尾

轉眼間又到十二月了
一年這麼又行到去尾昇
2004年都發生了幾多變化......

但暫時不想作總結
只想好好的用餘下的大半個月
完成一些早應該完成的工作
收返一些早應該收到的成果......

突然......很期待2005年的來臨.....

旅行..........

這幾個月.........
艾倫去了布吉五日
同事去了泰國五日
老二去了星馬九日
拍檔去了澳洲七日.........

>.< 本來年尾的旅行大計又因另一大計而要延期......

幾時先到我去旅行呢？
好想同女朋友仔坐飛機......
好想去睇雪玩雪滑雪.....
好想去浸溫泉.......
好想好想好想去旅行呀........