東涌一瞥

昨天八點由九龍塘坐貨van 入東涌，
不用一小時就到達，
第一個感覺就係....那兒的確好新市鎮！
那所中小學正位於，南天海岸及映灣園中間
即係....其實係兩個大型地盤之間！
對住兩個大地盤！但係.....南天海岸這個樓盤真的好靚！
好高我諗每座有五十層以上！向住個無敵海景，全幢以海藍色做主調
但係個地點係東涌就扣晒分啦....

那所中小學當天舉行獻校禮連開放日，整天就在兩所學校之間
行上行落！真的非常之累！
為何現在的中小學校舍這麼的大？

現在做學生真的多了很多設施，只是，
有時覺得物質上充實了，只是不知道會否因而忽略了其他方面.....

最後做到四點幾五點才走，臨走時和同事們都累到有點虛脫！>.< !

早晨

今朝要六點起床，
天還未亮，
洗完澡，雖然只睡了三個小時，但都總算清神起來。
一會兒要遠征西南方一大島嶼，
希望今天順利完成任務，並有一個美好的一天。

只想在大家還在熟睡時在這裡向大家說一聲︰
早晨！

構思

近日要寫故事的心越來越濃，
今天在小巴上時突然有一個故事的構思在腦海中浮現出來，
希望可以捉緊那個概思，
今次要仔細一些想清楚個大綱先開始，
總不能每 次都邊寫邊作，那太危險，
搞不好又來多次半途而廢就真的.....

有點擔心寫字用詞上的技巧現在變得太差了！
太多年冇認真寫作，亦習慣了口語英文交雜的寫字方式，
可惡可惡！

但怎樣都要開始一次架啦，
只望到時大家唔好見笑啦！

多多指教。

不快的根源

看了一篇舊報紙內的報導，大致如下︰

一心理學教授發現，在一間僅得六款果醬的超市，顧客能買到果醬的機會，較在一間有廿四款選擇的超市高九倍。原來不單小事如此，在嚴肅的大事上也一樣。當人們有太多退休保障計劃選擇，他們反而更加難以抉擇，於是索性不要！

總的來說，他把消費者分成兩類，一是「易於滿足」，一是「選到最好」。

「易於滿足」型只要找到夠好的東西，足夠滿足自己的需求，就會停止再找。

但「選到最好」型卻會強迫自己試勻全部東西，直至找到最好的，因為他們認為，在這麼多選擇下，無理由要買不是最好的東西。雖然理論上，他們最後是能買到好東西，但他們卻仍向覺得不滿意，甚至因為不是最好而怪責自己。「這種人的生活，通常也較不快槳、悲觀和沮喪！」

***

人的心態真的很奇怪....沒有選擇時又會唔開心，到選擇太多又可以使得自己更唔開心！或者真的應該學那心理學家所說的︰「人們應該放鬆一點，找夠好的東西就坦然接受，然後好好去享受。」.....互勉之。

突如其來的單車之旅

上星期六，返完母校之後，
本來只是打算和艾倫食一頓午餐便回家繼續工作去也，
怎料，當yuki(在下之女友是也)聽到艾倫自己去踏單車時，
表現得非常雀躍，很想一起去似的。

初時我都冇打算去，但最後，陪艾倫去租車時....
都係心軟，即管既陪女友又陪老友啦！

回想起來，都有四五年沒有踏單車了！
始終都係對某o的比較窄的位很有介心！
都唔明點解單車徑係要整咁鬼多欄杆係中間！
初時過那些位真的要好小心！

同學車時一樣，要係兩架車中間穿過時，
雖然明知唔會撞，但總係會自然減速.........

不過其實踩單車的感覺都蠻好的，
很快就過埋馬場，過橋向馬鞍山進發，
我們還在橋上影了兩張相！
附圖係艾倫拍橋下某君，一個人爬艇，幾好feel架！

入到馬鞍山，才發現原來過了新港城之後，
在海邊有人在掘蜆，yuki見到又好開心咁話要去睇，
仲話遲o的想來掘下，不過都真係要好日閒情先得！
大家有興趣都可以諗諗！

在新港城那個位回程，返到中央公園，
全程都不用兩小時，但都夠啦，還要回去工作，
所以和女友還車先，由得艾倫自己踩多轉，
很享受那天這個「意外」之旅！

沙循-籌款嘉年華

上星期六一早返了母校的籌款嘉年華

雖然返到去一個舊同學的見唔到係預了的，
但目的，只係想返去看看這所生活了7年的學校

畢業....轉眼間已五六個年頭了！
回想起中七那年的funfair，
幾個大男孩厚著面皮的去家政學會幫手煮o野食！
燒魷魚，做豆漿，到現在還幾得清清楚楚！
最記得係當年燒出來的魷魚真係.....連自己都唔想食！哈！

回去另一個主要的目的當然係想見下o的久違了的老師們！
總算Miss詹及霍老師都見到啦！
中一、中三及中四的班主任都已離開了學校
中二我連邊個係班主任都唔記得！mark,kelvin您仲記得嗎？
係得返她們兩個中五至中七的班主任

記得當年中四、五時霍老師係幾咁關心我們，比起鄭sir........

中六、七時，每個星期都會同miss詹在週記中寫很多東西，
她亦都會回很長的信及我，到後期真係成封信咁架！
雖然要寫英文，但都好好架，想來都好多年冇咁寫過英文信啦！

始終每一次回去都會令我想起很多很多往事，
在中學時的生活，真係少很多煩惱！
現在才發現那時的世界是多麼的單純簡單！

可以的話，很想每年funfair都可以抽時間回去走一轉，
那管只是短短半小時......都是值得的！

目標、計劃、辦公室、旅行

最近好似好多工作要顧(但卻偏偏成日好懶！)
網頁，軟件，小遊戲，拍片等等外接的job，真的會很忙
尤其每次都係比預算時有更多東西做！
但係今天計計條數....原來過去數個月都係平均每月得...幾千元收入...嗚嗚！

不過今年年頭起接了幾個project，
所以開始去想一想新的目標。
長遠來說，等接job來開飯好唔保障，
同埋遲早做死之餘又搵唔到食！

開始考盧要平平o地請個人返來做o的簡單o野
三四千元請個part-time一個week返兩三日都好。
但一諗請人又變左要考盧office的問題，
暫時希望下半年真係可以找個office開到間似樣的公司！
但就要靠上半年的收入來增強我們的信心先得！

因為現在密謀要做多一些屬於自己公司的原創project
要有返個地方會方便好多，始終要搞返o的long term
屬於自己的project先係長遠之計！

真係好想今年可以儲到多點錢，為公司好，
為屋企好，為成家立室都好......
如果可以達到心目中的目標，今年年尾一定要去旅行！
係咪咁話呀兄弟們！

交換日記

奇怪，竟然有人問我，
這兒的文章(其實係指某些而言)係俾大家睇
還是有心寫俾某人看

答案當然是給大家看的啦，
那篇的分類係交換日記嘛，
我只係寫了那天發生的事罷。

還是.....我唔應該講拍拖的事？
咁不如大家努力些，
咁咪可以大家都在自己的新聞台到講下lor.....

真係好想見到有朝一日大家出來玩時都係一雙一對咁架！
以大家的條件及要求求......到時實好多靚女睇.....呵呵！

情人節2004

雖說，情人節係商人賺錢的借口，但，都係要俾錢人賺架啦！

睡到日上三竿才起床，
交換禮物就少不得的了，
之後在家看了隻vcd...總比出去睇戲平.....平很多添！^_^

訂了6時正的桌，在沙田偉華的扒王之王，
不知它開業多久了，我早兩天才發現，於是決定去試一試！
尤其它的地點太適合我的計劃了！

計劃如此︰
二月開始，就一路表明話買花好貴
唔會送花之類，直到她真的完全唔介意我唔買花。

到今天，
六點準時到達，坐下，點菜後，
就借上洗手間之名離開餐廳，
立即就去我一早訂好了的地方，
拿了一扎白玫塊，不過不是真花
是像真度好高的木製花
我會咁諗，鮮花放幾天就會謝.....
還要在這個咁貴的日子買...太不化算了！

拿完花後，立即極速返餐廳
在門口望見她正想打電話給我，
乘她望著手機的當兒，
我拿著扎花快步走到她面前，
本來還以為她一看到扎花會有很雀躍的反應，
怎料，她是近乎冇表情的，
正確的來說，是整個人呆了，
大概這個驚喜的效果真的做很太完美了！哈！

飯後，
(扒王之王的牛扒水準真的很不錯，份餐還配了一小塊鵝肝，
第一次嘗到鵝肝，才知點解西餐入面鵝肝係咁重要的菜式，
那種入口即溶的感覺真的很正！
另外，那兒的牛扒亦都真的非常ok！)
出了尖沙咀看”幻彩激光耀香江”
超級多人，但個感覺都蠻不錯的。
想不到會在文化中心附近放了大喇叭，
整個show都有旁述，主要係介紹那十八座有份參演的大廈，
但節奏略嫌慢了點，如果不是講那麼多描述
令整個show濃縮些緊湊些的話，會更好看。
不過現在還有煙火效果，就乜都補返數，
那種煙火加激光及探射燈的效果真的很耀目，
如果未看過的話，真的應該2月18日前去一看。
沒有煙火的話，整個show的分大既會扣4成以上......
除非佢改變o的燈光效果的節奏啦......

之後迫去巴士站的歸途.....毫不浪漫，不提也罷。
只係覺得香港真係有好多人！！

最後，祝大家明年個個都有情人一起過情人節！

最好就四大才子加多四大美人一齊出來慶祝！yeah！

聖華倫泰日

西洋情人節 Valentine’s Day 最早可追溯到早期羅馬的牧神宗教節慶(Lupercalia)。羅馬人在每年的二月十五日舉行牧神節慶祝儀式；二月時，春天來臨，鳥類交配的季節也開始。人們打掃屋舍，以鹽和麥子灑在家中每個角落，於牧神節當天舉辦各種祈禱儀式，將慶典獻給掌管農牧的神祇方諾士，確保當年農作物收獲豐富。
慶典當天，每位未婚的年輕女性需寫下自己名字放入廣場上的特定水缸，而男士們則挑選水缸中的名條，這些配對的男女將在未來一年共同生活，而男女雙方也常常以婚禮進階人生的另一階段。
後來到了公元270年，由於羅馬帝國反基督教，許多基督徒遭受迫害。另外，當時羅馬皇帝非常愛好武功，他怕士兵們結了婚以後會顧慮家中的妻子而不能勇敢戰鬥，因此便禁止青年男子結婚。但是這樣不合理的規定並不能阻止年輕人結婚的念頭，很多年輕人都戰前祕密結婚。基督教的牧師聖華倫泰拒絕敬拜羅馬神祗，並且秘密地替未婚男女證婚，因此被逮捕，入獄，並於二月十四日被處死。多年過後，羅馬成為基督教國家，許多為信仰殉道的基督徒成為人們景仰的聖徒。二月十四日就定為聖華倫泰日（St. Valentine’s Day），紀念基督教的殉道者聖華倫泰。後來聖華倫泰日取代了二月十五日的牧神節。
人們在二月十四日這天寄卡片或送禮物給所愛的人，並且不限於情人，父母、兄弟姊妹、朋友、老師都可以。這便是情人節的由來。

以上是在網上找到的一個最為人所接受的”情人節”起源的故仔。

星期五晚上，和久居外國的契爺食飯，席間，有人說起情人節，契爺就告訴我們，在外國, 2月14日，不單時情人的日子，大家都會祝褔、送卡片及禮物給自己的親朋，尤其首先會送給媽媽！後來，他在美國的姐姐還打電話給他向他預祝情人節快樂。可見，其實係東方人不明西方的傳統，只係以偏蓋全地去過這個節日。

同時，或者可能是商人用來賺錢的一個借口罷！.......

工作工作再工作.......

最近有種很累的感覺

明明放著很多東西要做，但總是提不起勁。

打工除了受氣等等之外，有一個好處就係放工就放工...放假就放假.....

現在有時會有一個感覺...就係...全天候一星期七日每日廿四小時候命咁，
我都唔明怎會有咁多人在自己放工時要求第二朝佢返工要見到您改好某o的o野..
莫非只有您會放工？......

最最離譜係有一次，去年平安夜那天，叫我四點前改好某些東西給他們對，因為那天他們要早走去開party...但最後佢對完一大堆野出來臨放工時send晒過來，叫我27號朝要改好俾佢睇.....話我有兩日做好夠添！有冇搞錯莫非做客o既就有假放...我們收您少少錢就........唉！過份！

算啦，發洩下罷.....始終路係自己選o既，同埋其實除左這方面有時累些之外其實基本上都算係咁啦...如果可以收入穩定些就更好了......現在今日唔知聽日時的感覺有時都會驚架！

三仔、四仔、五仔主義

從前有一說，話香港的大學生有
甚麼三仔、四仔主義

屋仔，車仔，女朋友仔/老婆仔，BB仔

BB仔一項視之為optional啦，現在唔知點解好似多了很多人不想要小孩
甚麼這個世界好太好呀，責任好大呀！好辛苦呀之類，總之就幾十萬個理由
但我又會咁諗......如果當年他們的父母都係咁諗的話......

雖然這些x仔主義帶有好濃的資本主義成份.....
但又真係我輩年青才進的一個方向指標...同意嗎？

BB仔不用說，等有齊其他先諗啦！

女朋友仔，現在很滿意的了，雖然.......
不過我想信會一天比一天好的，我都要學做個更好的男朋友啦！
您們都要努力呀！知未？！

屋仔，雖然大家都話係時候入市.....奈何，哪來這麼的一大舊錢呢？！唉！
看著個樓市開始升，心情真係好矛盾......樓市升代表市道好左，對公司來說
一定係好事......但係......O的樓又變返貴的話......幾時先儲夠錢買喎！？
前天看新聞透視，講北上找老公的香港女人，一個小康之家，中產的......
那間屋...真係一間屋，而唔係一個單位！！但...要我返大陸住的話，又非吾所願也！.......點解香港的「家」會貴得咁變態！.....有幾多人...捱一世...都只係為捱一個單位......始終都係覺得好病態！！...奈何......我諗...有朝一日，可能我都係咁為間屋捱.....嗚嗚.....

車仔，我唔會貪心要咩靚車名車，但我真係好想有自己的座駕！車的感覺真的很好架！雖然會有點心驚驚，但看住架車由0加速到40...50...60..已好正！....如果在高速公路.....去到80.....100...一定好正！.....樑仔其實我好明您現在好想學車的心態.....當年我失戀加失業時....我都係突然好想好想學車......尤其那段時間真的好得閒.....所以.....其實....當年襯大家都忙著返工返學時...我已學了車，考了牌了！.....只係當初學時沒有說，之後一直沒說......越耐就越冇動力講罷......=P.....我要考第二次先PASS..希望您醒過我啦！個牌放左係度年半.....都唔知要放幾耐先有機會.....>.<

講左咁耐，那麼題目中的五仔主義.....又多了甚麼呢？
其實大家都估到罷.....就係多一樣.....狗仔是也！
好想養一隻狗仔.....我自己就最想養金毛尋回犬，
不過現在睇睇下覺得YUKI鍾意的史納沙也不錯^_^
不過想養狗...屋仔那一項又要更傷腦筋了！......現在乜屋都唔俾人養狗！！

女人的理想

昨天心血來潮問了枕邊人一個問題
「您有沒有甚麼理想呢？」

得到一些意料不到的答案
答案且不先說破，先說一說我本來以為女人會有甚麼理想

現代女性，有學識的，大概會想有自己的事業啦
那種女強人式的女性，大概都不太適合我們罷.....

但我總以為每個人都總會有些.....怎說呢...
很事業性質的理想罷，例如艾倫想開甜品咖啡室等等.....
可能有些給秋天的童話感染，那類開海邊小屋餐廳等等才是女人們的理想

但原來答案可以係……
想做一個幸福的煮飯婆
哎呀.....一聽之下有點不知所措...只好順口再問她有冇其他啦
怎料她再說的竟然是.....
想看住我們的小孩子大學畢業長大成人.......
!!!!!??????

我不是冇諗過這些東西.....只係覺得這些事情係每個人必經的階段
從來沒有把這些視做人生最重要而唯一的理想！......

不過...當一個女人，把您給她的幸福視之為理想...總算是一件藉得快慰的事罷
雖然......責任會重了很多......

我的理想

小時候，或者會覺得理想.....一定要是係偉大的那種才叫理想
甚麼要做總統呀做太空人呀做首富等等

人逐漸長大，對理想的定義有所不同了.....
理想，就變得實際一些
希望有自己的事業
有一個幸福的家
大貪些的可能會包括...想公司越搞越大

或者，仲有一些冇乜可能實現的夢想(因為冇乜可能實現..所以變成”夢想”)
1)我希望可以再一次走入戲劇的世界
做多一次導演，最好的就是導一齣自己編寫的劇
不再是在小小的劇院仔做，而係在大些的會場就更好
唔知仲會唔會有咁的時間及機會呢！
2)有機會的話，可以和拍擋拿到資助，拍返齣電影
儘管只係30-45分鐘的短片，都於願足矣！
3)想遊遍世界各地，旅行的感覺實在太好了！不知有冇機會遊遍各大洲呢？

哈利波特

大概大家都未試過真正地閱讀過任何一集的哈利波特吧？！

起初，我只是抱著一個好奇的心態去買第一集回來看
真的很想知道為何一個不可算係新的題材的故事
可以如此風靡全球各地的書迷？

或者，大家會覺得只係一些逗小孩的技倆罷，
但觀乎新聞排隊等買書的人龍，
坐地鐵時見到男女老幼都有睇，
就連當年在沙循代課時都見到有老師在看！
那麼是否還只是給小孩看那麼簡單呢？

起初看第一集，極其量我只會話係很好看
至少比看電影版好看很多！因為電影中刪減得太多了！
第二集，整集的古事都是在一種類似恐怖片的氣氛中發生的
電影版就完全做唔到那種扣人心弦的緊張

看第三集起，才真正令略到那種吸引力！
一二集都已經是充滿著緊張元素，但第三集開始
偵探小說式的元素強烈的顯現出來，
很久沒試過看一本小說會忍唔住係咁追
一本斯理百多二百頁追兩天都追完.....
但一本哈利，係成千頁！
最佩服的係，羅琳巧妙的放很在位置，
樣您以為估到某些事情，正沾沾自滿的看時
卻每次都有出人意表的發展！

滿以為第三集已係一個顛峰
誰不知，正如各國大小的書評所說，
第四、五集真的一山還有一山高！
早兩星期剛看完第五集....

才真正看到一些事實...當然，可能到看完七集後
會發現這刻以為知道的事實又會來個大變化！
但在這刻，單看佢對整個系列的怖局，
就可以話絕唔可以用幸運來形容她因為這套故事而至富！
五年前寫第一期已舖好定所有的路，
可想而知當初她作大綱時的利害！

而且，以校園做背景，總會讓我們這些讀書人勾起點點滴滴的回憶

神秘的魔法石>消失的密室>阿茲卡班的逃犯>火盃的考驗>鳳凰會的密令

五集，就好像過多一似不一樣的中一至中五的生活
極期待最後兩集的出版.....
唯一可惜的是，亦只餘下兩集罷了.......

如果我可以有她一半的創意和想像力，再加埋那種說故事能力就好啦！...

遲下試下在這兒玩下連載故仔先得！

嘉道理農場

星期二，很冷的一天
還下著忽大忽少的雨

下午和同事去了嘉道理農場，為公事的。

之前，一直都記得小學時曾去過一次的農場
印像已非常非常之少.......
更何況事隔十數載，天曉得那兒會變成怎樣！

由荃灣那邊去，坐一個站西鐵，
再十分鐘的士就到了
下車後第一個感覺係……好凍！
大概那兒當時得七至八度！

一入正門，好大的一個玄關
石磚地舖得整整齊齊，
完完全全不是印像中的模樣

抬頭一看，就如一幅漂亮的山水畫
舉目兩三個山頭，全部都是一幅幅的梯田
從來都不知道，在香港可以一眼看到那麼多的梯田
我的拍檔告訴我，如行到上山頂看下來，
那個景色更迷人！

六百多米的山丘，真想找個機會和三五知己一同登上
看看風景、日落，簡直係一大快事！

開完會後四處參觀一下，
四處的田地，用一些環保又天然的方法種植
那些蔬菜真的種得很好，又大又靚！

拍檔和他的舊同學們，去年聖在那兒宿營
在大自然的懷抱下舒適的過活一下，
想必寫意非常！！

奈何，不知我們何時才有這種機會
偷得浮生半日閒...呀....兩日閒.....
去享受一下這種真正歸園田居的生活呢！

開台啟示

哈哈！終於四大才子都開晒台啦！

睇下邊個出文量最高先！

我覺得大熱會係艾倫！