分組賽總結

經過了十五個比賽天，八組每隊三場合共48場的分組賽終於完成了。
十六強亦已全部誔生。先為各組來一個總結。

A組
墨西哥 0:1 烏拉圭 法國 1:2 南非
這一輪，其實墨西哥同烏拉圭只要打和，
就必定一齊出線，不用理另一場兩隊的結果。
意料之外的是，這兩隊竟然一開波就搶攻。
法國隊賽前還說怕那兩隊踢密契波，
但人地打真軍又如何？
南非要出線一定要追回最少四球得失球，
未到半場，已經從法國身上搶了兩分。
其實下半場一開場，兩邊烏拉圭、南非都有個機會，
可惜大家都把握唔到，如果兩球都入了，
次名出線的就會是南非而不是墨西哥了。
法國後來趁南非強攻，追回一球，
但都救不回多少因為這幾天兵變所丟失的面子。

首名︰烏拉圭 次名︰墨西哥

B組
尼日利亞 2:2 南韓 希臘 0:2 阿根庭
其實如無意外，阿根庭都係會嬴到希臘，
所以這組的次名就是尼日利亞和南韓的勝方。
那場沒有看，只係知尼日利亞先入一球，
而後南韓憑一個靚罰球及一個進球反超前2:1，
最後尼日利亞追平2:2，末段應該都幾刺激。
阿根庭今場正選陣容有七個掉動，除了美斯，
鋒線出了迪亞高米列圖及阿古路。
加上三個換人名額有兩個都是第一次上場，
基本上23人大軍分組賽最少已有20人出過場了！
上半場先憑後衛迪米捷利斯，接應角球一頂再一射補中。
領先一比零後，仍然壓住希臘攻，美斯真係好FIT，
只可惜多次射門都被救出或者中柱……
到七十幾分鐘，老馬以36歲的巴勒莫入替大米，
我已經覺得幾有趣，真係讓他36歲才第一次踢世盃！
更有趣是，入場不到幾分鐘，美斯一個過四個，
射過了守門員卻中柱彈出……卻彈了在處子登場的巴拉莫面前，
竟然佢還比美斯早入波，真神奇！
美斯還未能開齋，留返決賽一場入飽佢！！YEAH！
阿根庭成為第一隊9分隊。

C組
美國 1:0 瓦爾及利亞 英格蘭 1:0 斯洛文尼亞
賽前英美同得兩分，大家都是要嬴波先有機會。
英格蘭今場明顯有所改善，最少全隊波跑動及信心都大了。
不過攻勢其實都不見得十分鋒利。
唯一最靚的攻勢，就是迪科爾射入的一球，
但今場代替了希斯基，表現不錯。
不過，其實朗尼、林伯特等還是有點不知所踪。
因為斯洛文尼亞賽前已有4分，對面就一直0:0，
所以就算攻到完場前補時....他們還以為自己出到線，
就算到他們吹完場雞的一刻，他們還是次名，
只是完場不夠十秒，另一場美國隊於91分幾鐘，
由神奇隊長當路雲，門前執隻大雞！1:0！！
唔單單把斯洛文尼亞踢了出局，還搶了上首名！
斯洛文尼亞的球員為出局哭的同時，英格蘭也要擔心下場對德國的危機。

D組
德國 1:0 加納 澳洲 2:1 塞爾維亞
賽前加納最高分，德國要嬴先肯定出線。
澳洲則要嬴四球以上才壓到加納……
德國隊有點像英格蘭，其實攻力不足，
不過小將奧爾斯下半場把握到一之機會，
就這樣1:0完場……
隔離就塞爾維亞自己唔爭氣，
澳洲很早就攻入兩球，可惜正想一鼓作氣，
攻多兩球時，卻被塞軍破蛋，一盤冷水潑熄了度火。
其實塞軍只要追平都可以反壓加納，
不過最後都係輸1:2。
所以加納成為6支非洲隊唯一出線的隊伍。
德國得了首名，十六強上演英德大戰！

E組
荷蘭 2:1 喀麥隆 日本 3:1 丹麥
荷蘭對喀麥隆是例行公事，喀麥隆為面子想拿分，
所以較主攻，不過成隊好似只係得伊杜奧，
加上荷蘭近乎全隊正選應戰，又冇心理壓力，
上半場先領先一球。下半場喀麥隆憑十二碼追成平手，
不過完場前再度失手，傷癒服出的洛賓一落場就射腳靚波，
被救出後，還有隊友補射入網。小勝2:1，成為第二支9分隊。
日本對丹麥才是戲玉，大概冇人估到日本會先入兩球！
更估唔到的係，兩球都係超級靚的世界波級罰球直射破網！
還分別由兩個球員射，繼南韓上場的靚罰球後，今次到日本，
原來亞洲球員更快適應用這個新足球？
下半場曾經被丹麥追近至1:2，但不久又再拋離到3:1，
漂亮地全取三分，以6分取得次名出線資格！

F組
巴拉圭 0:0 新西蘭 斯洛伐克 3:2 意大利
4分的巴拉圭，和波都出線。最終新西蘭竟然繼兩場1:1後，
最後一場都能守和0:0，這支大洋洲代表，拿三分及兩個入球，
完全對國民有交代！他們的總理還說要待他們回去開慶祝會！
意大利理論上嬴波先安全進級，可是表現令人十分失望！
上半場後防失誤還先被人入球！
最慘不忍睹係，落後還上唔到力似的，下半場開場立即換入兩人，
但都未見有太大起色，還在下半場中段再失一球。
立即換入未完全傷好的派路，叫做有點起色……
而且還終於有攻勢並追回1:2，但已經83分鐘，
於是繼續空群出擊……可是後防又犯低級錯誤，
一個界外球就破了越位，89分鐘再被拋離至3:1。
雖然92分鐘再追近至2:3，然後又有一球中柱，
再有一球被判詐糊的入球……很刺激的最後十五分鐘……可惜都係輸左。
如果......頭80分鐘都踢到好似最後十幾分鐘咁，又怎會輸波？
最後，反而賽前包尾得1分的斯洛伐克，變了4分次名出線。
連新西蘭和了三場都有三分……意大利竟然得兩分包尾……唉！

G組
巴西 0:0 葡萄牙 科特迪瓦 3:0 北韓
巴西及葡萄牙已分別有6,4分，科特迪瓦最無奈，
要巴西嬴葡萄牙再自己追回9球得失球差……
北韓上場被炒了0:7今次邊有咁易再不設防！
最後盡了力都只能嬴3:0。
這場巴西對葡萄牙係今年第一場出街睇，
但竟然是四十幾場來最悶的一場！
卡卡上場被弄到拿紅牌，今場冇得出，
但鄧加連羅賓奴等主力都收起埋！！！
巴西的戰術仍然係不停在中後場傳球，
等對方心急出來搶，見到有破綻才傳一腳入去攻！
葡萄牙想攻呀,但對方不停向後面傳，又唔敢攻太前。
22個球員入面，最想入波應該只係得C朗拿度一個……
最後就悶足90分鐘……一人一分，一齊出線……超悶！！
好彩科特迪瓦不能大炒，唔係呢邊打和就真係氣死！
巴西首名，葡萄牙次名。巴西都拿不到九分，哼！

H組
西班牙 2:1 智利 瑞士 0:0 洪都拉斯
其實瑞士只要嬴兩球以上，一定出線，
但第一場爆冷嬴西班牙，好明顯係幸運，
對著洪都拉斯竟然一球都攻不入……
反而洪都拉斯入過一球詐糊！恭喜洪都拉斯拿到一分走。
西班牙隊波好似真係醒得七七八八，
除了剛剛做完手術的費蘭度托利斯未回復狀態外，
其他主力都開始上力，打出了強隊風格。
智利拿著六分在手，但隊波都係以攻代守，
所以都互有攻守幾好睇，不過智利的後衛不知面對西班牙太緊張，
兩個中堅先後拿黃牌，竟然下場一齊要停賽！
佢兩個還要是目前為止，官方評分最高的球員……
費托其實都比前兩場好好多，第一球就是來自他的快放，
對方門將快步衝出禁區邊解圍，但足球沒被清出界……
卻滾了去近中場線的大衛韋拿前面，頂級射手果然係頂級，
四十幾碼，波都不用停就大腳射去空門，準確入網！
十幾分鐘後，再由恩尼斯達射入一球靚波，上半場領先2:0。
下半場三分鐘智利追回一球，一度令比賽再變得刺激了一陣子。
但戰至70分鐘過後，另一邊還是0:0，如果這邊2:1，
瑞士要嬴2:0才可以反壓智利，所以那邊一日未分記錄，
這邊兩隊又開始踢慢板，最後十五分鐘簡直像籃球的垃圾時間。
最後西班牙同得6分，得失球反超智利成為首名。智利次名出線。



十六強形勢，好明顯上下線分佈非常唔平均……
十六強最觸目的一定是德英、及雙牙之戰。
這個線路圖看下去，阿根庭要拿冠軍可能場場都硬仗！
加油！擊敗所有強隊名正言順地奪冠啦！