紀念日

星期二是和Yuki的拍拖週年紀念
轉眼間就第三年了
時間過得真係快！

中午出門口
一點半左右去到又一城
答應了她很久要和她去溜冰的了
終於真的去溜了！
其實我並唔識溜冰的
那天還是我第一次在香港溜冰呢！
很多年前層在大陸玩過一次....但只係企同行及跌...

今次初時都只能慢慢行
後來慢慢好起上來
到一個半鐘後就離時
已可以真的叫做溜冰了.....
但都只是能滑一少段距離罷...
共跌了三次...唔知算多定少呢？

之後去了delifrance食東西
食完才三點半
但我預訂了七點鐘的晚餐\
於是出旺角先

去到新世紀決定找部戲填空檔
就看了差五分鐘開場的<龍咁威2>
看完就差不多六點

之後就到金魚街看寵物
看到那些龍貓都可以賣到成二千元一隻！
真係估唔到.....
當然主要是去看貓貓狗狗啦

七點左右去到加連威老道的GoodDog Cafe
未上完樓梯，就已經聽到狗吠聲了
那些狗仔已走晒去門口看我們呢

叫了兩杯飲品，一碟焗長通粉及一件厚多士
主要都唔係為了食飯啦
主菜當然係同狗仔玩！

那兒有兩隻史納莎，兩隻貴婦狗及一隻...唔知咩狗
加埋客人帶來的約瑟爹利及貴婦就總共有七隻
真的非常熱鬧！只可惜當日冇一些大狗啦！

我們七點多坐到十點半才走呢
兩個人坐成晚還有狗仔玩才107元
真的幾抵呀！哈哈！

(圖中就係cafe入面的情況了！)