目標？！

昨天和大學劇社的同學食晚飯

今次飯聚的起因是主席Noel的男友
亦都曾做過我一年同學的阿哲要離開香港一年多
因為經過半年的學習及見工
港龍終於請了他做機司

冇錯,唔係司機......係機師....飛機師.....
十月一日開始要去澳洲上十五個月堂
明天十二月才可回港

昨晚以前一直有點誤會他
以為他是富家子弟所以可以俾他那樣去做

但昨晚才正式知道他為了這個理想付出了很多
當年他和我一起讀year 1 係讀cs
之後就轉左系去讀nursing......
前後用了五年，畢業後去了醫院做nurse
跟住好努力咁儲錢...
儲夠二十萬就毅然用晒來去學及考飛機牌
然後就去航空公司找工......

現在他已向目標行了一大步
我們滿以為他終於有回報時
原來還不是的.......
他這十五個月如果最後畢唔到業係會乜都冇晒
因為...這十五個月雖然係準機師了....
但係原來每個月只係得2000元生活津貼....

花了多年的積蓄
放棄一份穩定又收入良好的工作
要一年多離鄉別井
更要暫時要家人辛苦年幾....

為的就是一個做機師的夢想

真的很衷心的佩服您！

自己又有冇甚麼明確的目標呢？
大概真的要認真去想一想
然後一心一意的向那個目標/夢想去進發....
畢竟正如阿Chris所說.....大家離三十歲已不遠了！