生日、山頂 (7/10/2004)

差不多一個月才寫返出來，時間過得真快

十月七日，女朋友仔生日，
一早買了上山頂玩的套票，
但因為想上山頂睇埋夜景，
所以並沒有一早就上山頂，

本來打算帶她先去唱唱卡拉ok先
怎料她真的很抗拒去唱k
臨時只好改變行程去了睇戲，
想不到這樣亦有意外收穫

包場睇完「桚場客運站」後，
就由尖東行去海旁，順道看看星光大道，
其實沒有太多東西看，只是在地下數星星及手印罷。

之後坐船過海，再在碼頭坐露天巴士去車站，
我咁大個仔都是第一次坐露天的巴士呢！
等車時又做了旅遊大使，分別用普通話幫了幾個自由行，
亦用英文幫了答了幾個唔知俄羅斯定咩人一些問題........
他們以為巴士車身的載客數量是價錢.....
每人打算俾一百幾十來坐巴士！哈！

坐車，上到山頂，
先去看「信不信由你」展管，
原來都幾多野睇，有幾個位真的很嚇人！
看了差不多兩小時呢！

之後就去看「杜莎夫人蠟像館」
睇電視睇小說就睇得多有關蠟像館的故事
但都真是第一次親身去睇蠟像
真的和真人很神似的
如果半夜一個人在蠟像館.....都咪話唔恐怖....

之後去看了最不外如是的「動感影院」套票包埋就唔好浪費！

跟住就行出去觀景台、獅子亭等等各個地方看夜景，
之後在山頂廣場的觀景台看風景時，
看看時間，差不多有激光睇！
等了幾分鐘，原來現在的幻彩詠香江又加返煙花了！
從高角度看下去真的很美！

然後在峰景餐廳食晚餐，兩個人並沒有食太多東西
飯後去了食雪糕，還叫收銀姐姐俾個生日折頭我們添！哈！
想起都懷念那種香濃的朱古力雪糕！

最後就坐返車下山，完成了生日的活動了……

我送了甚麼給女朋友？.....秘密！^_^