築巢建窩

行文前正苦思本文該以甚麼為題
突然醒起一些從電視上看見的情景

就是那些動物記錄片中
雀鳥禾辛萬苦地四處拾枝築巢
企鵝四出找石頭用來作窩
就連家養的小倉鼠亦自自然然
懂得把木糠及棉花混起來放住自己的小屋中
或者這些就是動物的本能
無論幾辛苦都好都要搞好自己的小家園

「衣、食、住、行」在我來說

「衣」應該係看淡的
總之穿上身唔會核核突突
合身，穿出街唔會俾人笑
基本上就ok的了！

「食」雖然係動物最必要的需求
但其實我又可以要求不大
因為我成日會覺得把o的錢食落肚...
係唔只「視錢財如糞土」
簡直係「把錢財變成糞土」.....

「行」就最簡單
最緊要平及快....
當然唔駛企就最好.....
但又一定唔會因為要坐而去乘的士或坐頭等

「住」就真係最最重要
不一定要住大屋，不一定要住得貴
但係就真係要住得舒舒服服
如果搞到連屋企都唔想返咁,都真係幾慘

近日不停為新居張羅
看家俬，搞手續，搞裝修
都真係幾累.....
就好像昨天，一個人拿著幾十磅東西
由旺角返來，最後手到震埋..

不過這樣忙法我又覺得幾好呀
現在先明白那些動物怎會咁辛苦起個家出來
原來那些拾樹枝、搬石頭、咬綿花的過程
辛苦得來真係幾有滿足感覺
因為真係每做多少少就代表向著夢想中的家行近了一步
而且這樣親力親為，對這個家的感覺就更溫暖

有時真的很羨慕電視中有些外國人
可以有錢、有地方、有能力的自己一手一腳去造自己的屋出來
那種感覺一定好正好正！

住，大概係香港人最無奈的一件事
地少人多，地貴屋又貴......
可以有自己一間「屋」為家的人又有幾多個？......