友人之反思

還記得「男親女愛」入面的余樂天及Miss Mo嗎？
除了他們事先張揚的kiss一幕外，最最深刻的一定是有幾集講他們去上一種課程
不停叫人「釋放、釋放」那種呢.....不知大家記得否？

早陣子從一友人的日記版中，得知他因為某種原因去上過那些課程
(真的正如他自己所說，我覺得很出奇，他竟會參加這種課程)
當初他有寫過當中的過程同第一時間的感受........
其實睇落真的好似一大班有識之士俾另一班有腦之士催眠緊咁......
不停俾錢.....同時又衷心的幫手找其他人來俾錢........

但我不是想說那種課程，而是看見他這兩天的文章，
忽又提起那次的經驗，從而啟發了一些新思為.....
覺得他說得幾有意思，拿來和大家分享一下
(老兄，又未問您就拿您的文章來用添....您唔介意架呵！^_^)

********************************************************
模式

之前講過上果個 course, 經常都 stress我地每個人做事都有一個固定模式, 而呢個模式就好多時一開始會決定左結果會係點, 佢即係想話: 拿拿拿, 你而家唔掂, 唔變你就以後都唔掂。當然佢冇咁講，佢話想帶你睇自己既模式係點，同埋睇下人地係點。

不過其實唔知聽果班人有冇諗過, 如果真係每個人都有固定模式, 佢地呢世人 so far 所得返黎既野, 全部都係呢個模式幫佢拿返來的, 咁點解仲會懷疑自己既一套呢? 當你唔再用自己一套, 用果d所謂「學多幾套」既方法去處事, 係否定緊自己, 同埋慢慢冇左自己… 每個人都係 unique 的, 有自己一套, 有強弱優劣係好正常, 所謂既模式, 係性格所取, 好壞唔重要, 人生苦短, 自己如果可以舒服, 已經好好。到你開始離開自己既性格, 我真係唔係好識想像… 冇左自己, 你既朋友又好似唔再識你… 幾悲
****************************************************************

對我自己而言，這段文字給我好有一些反思......
亦希望大家有所得著......

順帶一提...據友人的經歷，我諗，就算係幾熟的朋友叫我去那種課程
我都唔會去的了！.......幾千元去俾人集体催眠.....oh no！