怕唔怕打針？

最近的天氣忽冷忽熱，再加上公司入面互相傳染，
星期四那晚喉嚨痛又鼻塞，弄到我整晚都呼吸不順，
久久都睡不著，後來下床飲了杯熱水，加上太累才不覺睡了。

星期五一早約了人出尖沙咀，
所以順便出去公司附近睇醫生。
經常聽同事說這個醫生的收費近乎贈醫施藥級，
我看了今次才知道果然名不虛傳！

一入該診所已經有一種很懷舊的感覺，
有三個護士嬸嬸，正在漫不經心地織冷頸巾。
登記還是用最古老的方法，手寫的病歷咭。

睇醫生最特別的是，他開完一堆藥給我後，
再問我︰「你怕唔怕打針？」……
不時睇這種傷風感冒，在政府診所睇當然不會有針打，
就算睇私家醫生，明知打針會收貴些又不會打……
但早已得知這個醫生就算打唔打針都係同一個價錢，
所以我就答佢︰「唔怕，打唔打冇所謂……」
醫生就話︰「咁打支針啦，打針快些好。」

護士就立即去預備針筒，醫生就順手指一指桌面上的其中一支針藥，
我那一刻才發現，醫生的案頭是排住隊的放著一排針藥的！

當我打算脫掉風褸，退高衫袖的時候，
醫生才說︰「你鬆開少少褲頭就得了……」
護士加一句︰「係呀，打pat pat呀……」
我就自然地︰「吓……」

不過護士應該真係超熟手，不用伏下或甚麼的，
只需坐在椅上，鬆開褲頭粒鈕，拉低一邊少少，
她就一針插落去腰對下少少的位置，搞掂。

之後我講埋我間歇會有偏頭痛，
他還開了止暈止嘔的藥給我備用。

最後，我拿了一支咳藥水，十包藥，
兩三日的份量，加埋打了一支針……
只收一百二十元，簡直連其他私家醫生的診金也不夠付！

果然是贈醫施藥的感覺……佩服佩服！