RSS訂閱葡萄牙 0:1 摩洛哥
呢場嘅焦點一定係落响C朗拿度身上，不過上半場佢再一次在後備席上。
摩洛哥上場用佢穩健嘅防守，就算西班牙傳咗過千球波，都搵唔到一個入波嘅機會。大家都覺得今場一樣會係攻防戰，不過估唔到摩洛哥守咗一陣，竟然主動出擊，還製造咗好多攻勢。
不過一失咗波，回防亦好有效率，可以好快就保持返佢哋銅牆鐵壁嘅防守陣型。
42分鐘，En-Nesyri 接應一個傳中波，跳到2米7左右嘅超級高度，早過守門員打手槌頂咗個波入網，為摩洛哥領先一比零！
今屆佢哋隨咗一球自己人入嘅烏龍球，暫時仲未有人射入過佢哋龍門，單係呢一點，比佢領先咗，葡萄牙都幾麻煩。
下半場51分鐘已經換C朗出來希望可以加強攻力，奈何摩洛哥真係守得好好，僅有的驚險攻門都畀守門員擋出，力戰到90分鐘，比比近門頂唔中龍門，自己非常失望之外，鏡頭都顯到C朗拿埋雙眼嘆息嘅表情，大概都明白大勢已去⋯⋯
球証吹完場雞的一刻，摩洛哥球員固然興奮，另一邊葡萄牙球員的失落，C朗亦哭出來了。
就算一向對佢冇乜好感，但係事實佢真係呢個時代嘅一個傳奇，看到佢今年一連串事件，最後响世界盃嘅舞台更淪為後備，再八強出局，都真係有啲唏噓。
英格蘭 1:2 法國
賽前呢場嘅焦點落咗向究竟卡爾獲加能否成功凍結麥巴比呢個問題上面。
出乎意料之外，佢做得非常之後，麥巴比今場冇乜令人有印象嘅快攻，甚至掂波次數都明顯比較少。
雙方實力其實不相伯仲，不過關鍵時刻嘅把握力就分了高下。
17分鐘，法國嘅Tchouameni响禁區外一腳冷箭，竟然地波直非龍門左下角入網，突如其來只係一個遠射機會，就領先對手。
哈利簡尼呢場多咗响前面進攻，21分鐘有個大好機會入到細禁區起腳，只可惜被熱刺隊友羅里斯出迎僅僅左肩擋到個波，未能追平。
下半場，54分鐘，Saka响禁區內被踢跌，球証立即指住十二碼點！
一向係劊子手嘅哈利簡尼要直面對決球會嘅好兄弟羅里斯了！佢充滿信心咁勁轟左邊，羅里斯估錯咗，皮球應聲入網，追平1:1。
不過英格蘭繼續進攻，都係過唔到羅里斯嗰關。
76分鐘左右，基奧特超近龍門起執漏起腳，碧福特反應超快擋咗出底線，正當大家仲興奮咁讚佢反應快大難不死之際，短角球開出，傳咗去畸角位再斬中，基奧特快過兩個中堅一步，升飛一頂入網，再次領先，比數 1:2。
82分鐘，法國Hernandez响禁區來有心撞跌Mount，但球証竟然冇反應！好彩現在有VAR，佢去睇完電視之後，都覺得要畀十二碼。
再一次兩兄弟要面對面比拼，第二次踏上十二碼點，再一次追平嘅機會，哈利明顯比上一球緊張，最後選擇照射剛才嘅左邊，同時羅里斯亦撲同一個方向。唔知係咪就係嗰一剎那見到，想射高多少少，結果個波响楣頂高出⋯⋯哈利自己都勁失望！
錯失咗追平嘅黃金機會，再力攻亦攻不入，補時10分鐘，最後一刻响禁區頂絕佳位置得到一個罰球，但華舒福未能好似分組賽咁直接射入⋯⋯在右上角高出咗少少⋯⋯而呢個已係最後一個機會
球証雞聲響起，法國勝出，入四強。Football最後冇coming home，England is come home......
不過見到一班後生球員今屆嘅表現，希望可以過兩年力爭歐國盃。
哈利超唔開心，影住佢行入更衣室喊嗰個樣，同頭先嗰場C朗個畫面好似⋯⋯佢都29歲了，唔知四年後仲係唔係隊長呢⋯⋯唉
另外，麥巴比全場失咗踨咁，唯一見報嘅，就係佢响哈利射失十二碼時嗰個開懷大笑到近乎恥笑嘅衰樣，呢個所謂新球王，真係比起尼馬後生最乞人憎時更加乞人憎！
0 留言:
發佈留言