半月回憶(九) -- 燒烤晚會

睇完戲後去了紅梅谷燒野食，
大概都有兩三年冇燒野食了！

上到紅梅谷霸爐，
突然醒起好次當年試過一次夜晚勁黑，
好彩最後提到艾倫帶支旅行燈！

後來阿忠及艾云加入，
大家都好主力燒腸仔，
係艾云話一定要有扒燒先得！

初時起爐，因為最熟手的艾云未到，
有在光線不足的情形下，
都幾手忙腳亂，最後連僅有的炭精仍相繼用完，
當時，Yuki用了一招我們未試過的招數，
就是扭實o的報紙就咁放入堆炭中間硬燒佢！
初時都不為意...睇睇下o的炭真係開始紅，
跟住扭多幾舊報紙拋入去，好快就搞掂了！

記住，以後去BBQ一定要帶夠報紙！

燒到一半，他們古古惑惑，
都知佢o地搞乜鬼啦，
果然係拿個蛋糕出來^_^
為小弟預祝生日
多謝啦各位！

最後燒到十點幾，
跟住去了顯徑的甜品店食糖水，
談到十二點才走。

在甜品店，他們還送了一份生日神物給我，
是一個很靚的呔夾給我，
雖然我一年都打唔到兩次呔....
不過我會因為這份禮物多點打呔架啦！^_^
多謝多謝多謝！