忙的時候千萬別做好人

明明這兩天要趕開會前做完一大堆工作，
前晚及昨天下午還要被另一個雞毛蒜皮的工作改完又改拖了我很多時間！

到黃昏時份，有公司的「同屋主」要由旺角搬個櫃回來，找人幫手。
心想，去旺角一來一回都是一小時內的事，所以就幫下手啦，
原來這想好心的想法，會浪費了成晚！！唉！

六點半由公司出發，去到七點旺角未夠七點。
怎料要等！等到八點先開始叫車，又冇車。
到有車了，又發現個櫃雖然已拆開了，
但因為太多大塊的玻璃(還要沒有包著的！)，
一架車原來不夠放！

最後第一輪只搬了那六塊大玻璃加一件輕的木配件！
回到公司已九時許……還要搬多一轉！
本來第二轉佢地都唔好意思再叫我幫手，
不過我心想，那兩件大配件，佢兩個拿落樓都幾難搞，
於是我就話，陪佢地去旺角幫佢地落埋樓上埋車先，
不過就唔再返尖沙咀了，我自己在旺角走。

最後，再旺角上到巴士回家時，已經十點二十分……
回到家已經十一時許了……唉！

更慘的是，因為體力勞動了一晚，本來昨晚打算通宵工作的計劃，
最後敵不過疲累及睡魔的引誘……兩點左右就睡著了……嗚嗚。

看來，今晚唔睡都做唔完我明早要開會用的東西了……
唯有做得幾多得幾多啦……