RSS訂閱今天從新聞上看到，在今日的中大畢業禮上，
有很多團體及學生在示威抗議中大頒發榮譽博士學位給董先生。
辜勿論大家對董建華先生的評價不同，
但作為一個中大畢業生，看見他們在畢業禮上這種過激的行為，
真的有點看不過眼，忍不了要在這兒發洩一下。
沒錯香港是一個自由民主的社會，
大家都有言論自由及示威自由等等，
但是否在表達自己訴求的同事，亦要顧及一下其他人的意願？
作為一個大學生，雖然現在要大學畢業並不是甚麼非常的難事，
但，一個畢業典禮，對學生和家長來說，可能是一生人中其中一個重要回憶。
期待了大半生想看著自己的子女莊嚴而受尊重地畢業的家長應該十分之多，
但本來一個端莊的儀式，就變成一齣嘈吵無比的鬧劇。
無論示威者的出發點是對事或對人都好，
我都覺得他們這種方式太過自私，太過沒有想及其他無辜的人！
還有一些九唔搭八的示威者在要求甚麼老人福利或是醫療保障的！
但我最要罵的就是那班學生，尤其學生會那班！
大家都是學生，你遲早都要畢業的，
你不重視能否畢業，也應當要尊重其他同學！
要在中大表達意見有很多方法，寫大字報，
甚至寄信去報館。就算要在會場發表，
可以在會場附近掛橫額、派傳單，
用不著以這種嚴重騷擾到典禮進行的方法！
不是一句「要發出一些不同的聲音」為由，
就可以這樣不顧一切地去幹，
然後站出來講包「對不起」就補嘗到其他學生的損失！
今天看著這些新聞的畫面，簡直有蒙羞的感覺！
唉！
2007-12-07
中大示威有感
訂閱：
發佈留言 (Atom)
5 留言:
畢業禮？上一屆？
那麼我的師兄上電視了？
小弟覺得今次無論校方還是學生會，都一定要對事情負上責任。這個佢地在事前都一早就知。
如果佢地唔係死蠢，根本校方在決定頒獎時就預左會有人抗議搞亂檔，學生會也知道這樣抗議會影響畢業生和家長的利益，同樣預左事後一定會被千夫所指。佢地都分別知道事情會發展成咁，亦要預左要同公眾道歉。但比佢地回到過去再來一次，佢地咪又係做返同樣既野。
簡單講，校方同學生會擺到明就係明知到會傷害千千萬萬畢業生和家長的心靈，都照做d咁既野。一早決定左先斬後奏，打死擺就。既然佢地都唔會為自己做既野後悔，又要向大家道歉。就是知錯不能改。所以，罵都冇用。罵佢地都冇野可以賠番比D畢業同學。
其實既然學生會一早打算破壞典禮，好歹發個電郵預先話比d畢業同學聽，等佢地一早話比家長聽畢業當日將會有人踩場，等佢地有心理準備都好。您知啦，人有左心理準備，遇到不如意事的時候都冇咁氣憤嘛。
個人認為這種示威的幾乎唯一的果效，就是令中大又一次見報。我認為其實只要不是笨蛋，就知道示威不能令校方動搖。
我唔知學生會的宗旨和存在意義是甚麼。但我聽「中大學生會」這五個字，會覺得佢地做既野應該係代表全中大人。但佢地做野之前又唔問晒全中大人意見先。如果佢地一早問過晒d畢業生，話晒佢地知學生會將會踩場，而畢業生又回覆話「OK，冇問題，鍾意踩就踩啦」，咁樣佢地做乜都好啦。宜家佢地做d咁野，會令外人覺得中大人全部都係d做事不顧後果的匹夫。明知不會達到目的，又敗了中大學生和學生會自己的名譽，賠了夫人又折兵，何必呢？凡事應該三思而後行也。
不過老實講，單論學生會的勇氣和行動力，小弟自問好多人都比唔上。有咁既勇氣和行動力，我諗佢地班人將來出來社會之後總會有出頭天既。不過我諗在這次事件都唔會有多少人欣賞他們這方面的能力了。其實，這次事件一定會有人同情學生會，但有誰會當面讚賞他呢？明知不會有人欣賞都照做，這種膽色真有曹孟德的感覺。
另外，個人很同意姚煕引述的說話。
題外話，那班老人團體的社工真係好識搵時機喎。佢地明知學生團體將會搞示威，佢地即使踩場，大家見到又有老人又有學生，一定會先把茅頭指向學生，學生就實食晒死貓。咁d社工就唔洗驚會被學生同家長譴責啦。真是高招！超奸！唔應該做社工，做商人就啱啦。再唔係從政，識卸膊一定官運亨通。
嘩！你篇留言有我篇正文咁長！勁！
基本上都同意你的論點，尤其學生會應該是代表全校同學的意願去做事的那點。
唔知道佢地將來見工, 會唔會話自己係中大學生會o既人......
佢地做事咁義無反顧，做得出怕咩認係學生會的人喎……尤其佢地衝動慣有乜都會講出來，只是……最後見唔見得成工就另作別論。
發佈留言