黃子華棟篤笑-越大鑊越快樂

今晚去了伊館看黃子華棟篤笑，今次的題目是「越大鑊越快樂」，
去年的「兒童不宜」買不到票沒有入場睇，今次他說是去年的延續，
而到今日都未出碟，所以在11月1日開賣的時候我並沒有去買票。
但後來在加場開售時，四弟行過通利見到有人排隊買票，
他邊排隊邊打電話來問我睇唔睇，有人排埋隊咁吸引，梗係睇啦！

黃子華十幾年來的棟篤笑，基本上都有買齊他的VCD，
真正入場睇的只有03年帶著口罩入場睇的「冇炭用」。
當年是和99年的「拾下拾下」相隔了4年的，
到去年「兒童不宜」又隔了3年，想不到今年咁快又有新的。

「越大鑊越快樂」基本上就和內容沒有太多直接的關係，
這個題目反而是和個場境佈置有好大關係，
今年是第一次開四面台，他正正就站在一個「大鑊」中發功。

看見這張相就不得不講一講，我們入場時已經是七點五十分，
距離八時開場只有十分鐘，你看看個場得幾少人！
香港人的睇表演習慣真的非常可惡！
最後要等到八時廿分才可以開始，純粹只為等觀眾入場！

一個台，今年個台還要是這麼細個，而且要顧四面，
再加一支樽裝水，就這麼簡單，沒有道具，只是一個人，
就令全場三千人笑足兩個小時有多，黃子華功力十多年不減。

貫徹他那種「人生是如此荒謬」的中心思想，
今次亦是一些最最地道，非常香港的人生百態。

由投資理論講到人生理想、生存意義：
由樽裝水、白飯魚、牛仔褲，講到名牌波鞋、保時捷；
由平空爆出來的乞丐，講到突然多了腹中塊肉的無知少女；
由嫁入豪門的徐子琪，講到偷食(不成)男朱培慶；
由幼稚園唱我是一個小蘋果，講到食人狂網上覓得食物人；
由大自然規律，講到物理定律，再到「係啦」「好呀」人生哲理。
由「永遠」，講回「從來」……

其實這樣寫出來，這些題目看來都蠻嚴肅的，
黃子華怎樣用他三寸不爛之舌令到這些題目笑翻天？
這樣就非我能在此一一盡錄，何況就算寫出來，效果也差太遠了！
一定要親眼看親耳聽，才能百分百感受到這種表演藝術的吸引之處。
如果沒有買票沒有機會睇現場的話，出碟時一定要睇呀，
誠意推薦，黃子華的棟篤笑始終都是香港最好看的棟篤笑。

講起出碟，我想起早前見到的這個宣傳廣告︰

原來成年都未出「兒童不宜」的碟，就是要引大家今年要買票入場！
果然今年可以加開三場，總數達十二場這麼多……
三千人一場，十二場全爆，都應該幾和味罷！

熱切期待「兒童不宜」快些出碟！真係等到頸都長了。

最後，講一句全晚最美妙的「係啦」「好呀」定律的全名︰
「係啦」︰「係咁架啦」；「好呀」︰「好出奇呀」
內容？你慢慢等佢出碟先慢慢睇啦，哈哈哈！

(謎之聲︰乜你咁O架！講o的唔講o的！)
喂！係咁O架啦！好出奇呀！