暖屋行動

去別人新入伙的家中玩，英文會叫做house warming，
中文應該要怎樣寫呢？曖屋行動？哈哈。

契爺剛剛搬新居，我們一家今天去了那兒看看，
接近一千尺的舊樓，有三間房，客飯廳並排成長方形，
還要位於九龍塘和太子之間，租金真是貴了……

不過地方真係幾見用，每間房都有過百尺。
他還把其中一間房做成工作間當公司另一個辦公地點。

因為有一部投影機，契爺還特意叫我帶部WII過去試玩，
原來對住成幅牆咁大的畫面玩真係感覺非常不同！
無輪運動、射擊、賽車，那種真實感完全兩回事，
玩那隻戰爭遊戲，坐在兩個大喇叭中間，真的有槍林彈雨的感覺。

契爺一早煮了一大煲湯，後來去街市買蝦回來白灼，
雖然我們有八個人，但係買了七斤蝦就真係太跨張了！
好在那些蝦真的好新鮮，好似冇乜試過對住咁多蝦係咁食……

當然，最後是食不了全部的，大概餘下都有三份一，
留返契爺雪凍佢做冷盤算啦，真係食到個個都「成肚蝦」了！

還有，對面門口住的鄰居原來是王喜，
沒錯，就是烈火雄心那個男主角，
不過今天沒有碰著他，只是在他回家時聽到他開門，
一門之隔。

現在的電視劇，通常有王喜做的我都會睇，
大概是由烈火雄心開始罷，他是其中一個我比較喜歡的藝員，
叫契爺得閒找他簽個名先……哈，傻啦講笑罷！

不過今日只顧著飲、食、玩，竟然一張相都沒有影過，
應該乘著新入伙剛裝修完好好影下相嘛……